ბავშვებისთვის 18 თვიდან თითო გვერდზე 2-3 ფოტო სერიის ყველა წიგნი გაფორმებულია ფოტოებით, რაც პატარებს თემატურად შერჩეული სიტყვების უკეთ აღქმასა და დამახსოვრებაში დაეხმარება. ყდა: მაგარი გვერდები:20 მუყაოს ფურცლები

ჩემო პატარავ, წაიკითხე ეს ჯადოსნური ამბები ყოველ საღამოს, ძილის წინ, მაშინ, როცა ზღაპრების დრო დგება. კარგად დაიფარე საბანი და აღმოაჩინე ჯადოსნური სამყარო - შეეგებე ჩექმებიან კატას, იმოგზაურე პატარა სირინოზის წყალქვეშა სამეფოში, ეწვიე, მზეთუ ნახავისა და ურჩხულის ბრწყინვალე სასახლეს. გვჯერა, რომ ძმები გრიმების, შარლ პეროსა და ჰანს ქრისტიან ანდერსენის შესანიშნავად ილუსტრირებული ეს ზღაპრების კრებული შენი საყვარელი წიგნი გახდება.

ავტორი: მაკა სესკურია სერია: ჩემი სკოლა კლასი: III-IV კლასი ყუთში დაგხვდებათ: 112-გვერდიანი ილუსტრირებული წიგნი ორმხრივი მაგნიტური დაფა სხეულის მაგნიტური ნაწილები ბუკლეტი შეკითხვებით ადამიანის სხეული ურთულეს მანქანას ჰგავს. იგი უამრავი ნაწილისგან შედგება. ყველა ნაწილი თავის სამუშაოს ასრულებს, თუმცა, იმისათვის, რომ ვიცოცხლოთ, ყველა მათგანმა ერთად და შეთანხმებულად უნდა იმუშაოს. ამ ფერად, ილუსტრირებულ წიგნში მოკლედ, მარტივად, საინტერესოდ და ამომწურავადაა ახსნილი, რისგან შედგება და როგორ „მუშაობს“ ადამიანის სხეული. წიგნში თავმოყრილი ინფორმაცია ორმხრივი მაგნიტური დაფის სწორად შევსებაშიც დაგეხმარება. წიგნიდან დაწვრილებით შეიტყობ, სად მდებარეობს და რა ფუნქცია აკისრია თითოეულ შინაგან ორგანოსა თუ ჩონჩხის ამა თუ იმ ნაწილს.

ავტორი: როდრიგო მუნიოსავია მთარგმნელი: თინა ბატიაშვილი სერია: საოცრება ლოლა ათი წლისაა. ფეხბურთზე გიჟდება და ოცნებობს, ისეთი ფეხბურთელი გამოვიდეს, როგორიც ლიონელ მესია. ოჯახის წევრები მის გატაცებას სათვალავშიც არ აგდებენ. მათთვის სპორტზე მნიშვნელოვანი მუსიკაა! ეს არცაა გასაკვირი. ლოლას დედა მუსიკის მასწავლებელია, მამა კი – კომპოზიტორი. ხოლო ლოლას ძმა, გრასიანი, ნამდვილი გენიოსია! ოჯახი მნიშნველოვანი დღისთვის ემზადება. გრასიანი მუსიკალურ კონკურსში მონაწილეობს და ყველა გამარჯვებას უწინასწარმეტყველებს. მშობლებს მიაჩნიათ, რომ კონცერტს მთელი ოჯახი უნდა დაესწროს, მაგრამ ზუსტად ამ დღეს ლოლას საფეხბურთო მატჩი აქვს… თანამედროვე ესპანელი მწერლის, როდრიგო მუნიოს ავიას ეს პატარა ისტორია ერთი ოჯახის მაგალითზე მოგვითხრობს იმ პრობლემებსა და განცდებზე, რომლებიც ნებისმიერ ოჯახში შეიძლება შეგვხვდეს. წიგნი მკითხველს აუცილებლად დააფიქრებს და თანაც დააიმედებს.  

მთარგმნელი: ნინო ილაშვილი კურდღელი და ზღარბი სულ არ ჰგვანან ერთმანეთს – კურდღელს ფაფუკი ბეწვი აქვს, ზღარბი კი ქაცვიაა. ზღარბი ზამთარში იძინებს, კურდღელი კი არა… თუმცა, ერთ დღეს, როცა მდელოზე შემთხვევით შეხვდებიან, მაშინვე გადაწყვეტენ, რომ მათ მეგობრობას ხელს ვერაფერი შეუშლის. მართლაც, კურდღელი და ზღარბი საუკეთესო მეგობრები ხდებიან. მათი მეგობრობა კაკაოსავით თბილი, თაფლივით ტკბილი და ცასავით უსაზღვროა. „ჩვენ ორნი“ ფერადი ილუსტრაციებით გაფორმებული კრებულია. ის ხუთ სახალისო ამბავს აერთიანებს. წიგნი ზღარბისა და კურდღლის უანგარო მეგობრობის მაგალითზე, პატარებს მეგობრობას ასწავლის.  

ამ პლანეტაზე უკლებლივ ყველა დაცულია ადამიანის უფლებათა საყოველთაო დეკლარაციით. სადაც არ უნდა ვცხოვრობდეთ, ვინც არ უნდა ვიყოთ, ეს ჩვენი უფლებებია და შეუძლებელია ვინმემ წაგვართვას. თავისუფლება, მშვიდობა და სამართლიანობა მთელ მსოფლიოში ამ უფლებებზეა დაფუძნებული. ეს უნიკალური წიგნი „ამნესტი ინტერნეიშენალთან“ პარტნიორობით, ადამიანის უფლებათა საყოველთაო დეკლარაციის ხელმოწერიდან 60 წლის იუბილის აღსანიშნავად გამოიცა. მთარგმნელი: გვანცა ჯობავა

ამ მიმზიდველ წიგნში წაიკითხავ სახალისო ამბებს ცხოველებსა და ადამიანებზე მთელი მსოფლიოდან. გადაშალე და შეიტყვე, თუ როგორ გააცურა ჭკვიანმა მამალმა მელა, რა დაემართათ ზარმაც ვირს, ხარბ მგელს, მატყუარა კურდღელსა და სხვა პერსონაჟებს, რომლებსაც ამ წიგნში დაუმეგობრდები.

ავტორი: მარიანე კაურინი მთარგმნელი: სოფიო ქარჩხაძე სერი: საოცრება ბაკურ სულაკაურის გამომცემლობა

ავტორი: ჯენი პირსონი სერია: საოცრება მთარგმნელი: ლაშა გველესიანი ამ წიგნში უამრავი მსოფლიო რეკორდია ნახსენები, მაგრამ მინდა გითხრა – ეს რეკორდების კრებული არაა. აქ მოთხრობილია შენი ორი თანატოლის ამაღელვებელი ამბავი, რომელიც დაგარწმუნებს, რომ მონდომებას ყოველთვის აქვს შედეგი და რაც უნდა მოხდეს, გახსოვდეს – არასოდეს, არასოდეს ხარ მარტო. 11 წლის ლუსი რობერტსონს დაზიანებული ნივთების შეკეთება გამორჩეულად ეხერხება. ერთ დღეს ის გადაწყვეტს, „შეაკეთოს“ ის, რაც ყველაზე მეტად სურს – დეპრესიით გატანჯული დედა. ამისთვის კი არც მეტი, არც ნაკლები, მსოფლიო რეკორდი უნდა დაამყაროს. ეს არც ისე იოლი საქმეა, მით უმეტეს, თუ მოსამზადებლად მხოლოდ 10 დღე რჩება. მაგრამ ლუსი მარტო არაა. მას საუკეთესო მეგობარი ეხმარება – თანაკლასელი სანდეში. რატომ დასჭირდა ლუსის რეკორდის დამყარება და შეძლებს თუ არა ამას, წიგნიდან შეიტყობ. კითხვისას საოცარი, ემოციებით დატვირთული თავგადასავალი გელოდება.

ავტორი: მარიამ წიკლაური   „ჩვენი სახლი“ თქვენთვისაა, ვინც 9+ წლისანი ხართ, კითხვაც დამოუკიდებლად შეგიძლიათ, ფხუკუნიც გიყვართ და იუმორთანაც არ ხართ მწყრალად. „ჩვენი სახლი“ სიტყვების თამაშითა და უცნაური სიტყვათშეთანხმებებით, სახელებითა და სათაურებით, პერსონაჟებითა და მათი ყოველდღიურობის აღწერით საინტერესო ამბებით სავსე მოგზაურობაში გეპატიჟებათ. აჰყევით ამ თამაშს და პერსონაჟებისა და მათი ყოფის ამსახველ ამ მხიარულ წიგნში საკუთარ ადგილსაც იპოვით. მერე მოიძიეთ თქვენ გარშემო მსგავსი მხიარული თუ სერიოზული ამბები და ადამიანები და მოჰყევით მათ შესახებ ისე, როგორც ჯერ არავის მოუყოლია.    

ავტორი: ასტრიდ ლინდგრენი მთარგმნელი: ლიკა ჩაფიძე სერია: მოსწავლის ბიბლიოთეკა მელკერსონების ოჯახი, მამა და ოთხი შვილი, ზაფხულის გასატარებლად სტოკჰოლმიდან კუნძულ სალტკროკაზე მიემგზავრება. ბავშვები ჩასვლისთანავე დაუმეგობრდებიან სალტკროკელებს და სულ მალე მთელი გულით შეუყვარდებათ მთელი კუნძული. „ჩვენც სალტკროკელები ვართ“ ასტრიდ ლინდგრენის ყველაზე დიდი და, ამავე დროს, ერთ-ერთი ყველაზე რეალისტური წიგნია. აქ თითქოს არაფერია მოგონილი პატარა, უკბილო სტინას ზღაპრების გარდა. დიახ, ამ საოცარ წიგნში, ისევე როგორც რეალურ ცხოვრებაში, სევდაც ბევრია და სიხარულიც, ხიფათიც და გამართლებაც, იმედგაცრუებაც და ბედნიერებაც. წაიკითხეთ და თქვენც გახდით სალტკროკელი, რუკაზე არარსებული, მაგრამ ყველაზე რეალური კუნძულის მოსახლე.

მაგნიტური მოძრავი რიცხვებისა და მოქმედებათა ნიშნების ნაკრების დახმარებით ბავშვები შეძლებენ თვლას და მარტივი მათემატიკური მოქმედებების შესრულებას. შეფუთვაში დაგხვდებათ: წიგნი მაგნიტური მოძრავი რიცხვები სულაკაურის გამომცემლობა

მაგნიტური მოძრავი ანბანისა (ფერადი და ეფექტური ქართული ასოების ნაკრების) დახმარებით ბავშვები შეძლებენ მშობლიურ ენაზე მარტივი სიტყვების შედგენასა და ამოკითხვას. შეფუთვაში დაგხვდებათ: წიგნი მაგნიტური ანბანი (ქართული)  სულაკაურის გამომცემლობა

ავტორი: ჯანი როდარი მთარგმნელი: ნოდარ ლადარია სერია: მოსწავლის ბიბლიოთეკა იტალიელმა მწერალმა, ჰანს ქრისტიან ანდერსენის პრემიის ლაურეატმა, ჯანი როდარიმ გამოიგონა ხილ-ბოსტნეულის სამყარო, რომლის მცხოვრებლები სახელებითაც გამოხატავენ თავიანთ ზნესა და ქცევას. წაიკითხე ხასიათების მრავალფეროვნებით, ლაღი იუმორითა და ზომიერი ირონიით გამორჩეული ჩიპოლინოს თავგადასავალი და ისიამოვნე ამ ლიტერატურული შედევრის მშვენიერი ქართული თარგმანით.

ავტორი: ბეტინა გიოშლი, კლაუს-პეტერ ვოლფი მთარგმნელი: ელენე კოშორიძე ახალბედა დეტექტივები! ემა და ლუკასი მამასთან, მიკ იანსენთან, ერთად ჩრდილოეთის ზღვაზე, ბაბუის ვილაში მიემგზავრებიან. ბაბუა ჩინებული დეტექტივი იყო, მისი უბის წიგნაკი კი, რომელსაც ბავშვები ვილაში პოულობენ, პროფესიული ხრიკებისა და მეთოდების ნამდვილი საბადოა. ვილაში დასახლების პირველსავე საღამოს მათ კარზე უცნაური ზარია – წარმოსადეგი, მედიდური ქალი აცხადებს, რომ გაუჩინარებულ ქმარს დაეძებს და კერძო დეტექტივის დახმარება სჭირდება. ცხადია, მიკი და მისი შვილები ამ შემთხვევას ხელიდან არ უშვებენ და ამ გამჭრიახი, ალღოიანი ოჯახის დიდი თავგადასავალიც იწყება.  

ქართული ტექსტი: თამარ გავაშელიშვილი ასაკი: 6 თვიდან წიგნი-სათამაშო ამ ჩხარუნა წიგნში პატარები წაიკითხავენ მხიარულ ლექსებს და გაერთობიან ფერადი ბურთით, რომელიც ხან დათუჩას ცხვირია, ხან თაგვის და ხანაც ლომის.

ქართული ტექსტი: თამარ გავაშელიშვილი ასაკი: 6 თვიდან წიგნი-სათამაშო ამ ჩხარუნა წიგნში პატარები წაიკითხავენ მხიარულ ლექსებს და გაერთობიან ფერადი ბურთით, რომელიც ხან თახვის ცხვირია და ხანაც პატარა ბაყაყის.

ქართული ტექსტი: თამარ გავაშელიშვილი ასაკი: 6 თვიდან წიგნი-სათამაშო ამ ჩხარუნა წიგნში პატარები წაიკითხავენ მხიარულ ლექსებს და გაერთობიან ფერადი ბურთით, რომელიც ხან მანქანის მუცელია, ხან ვერტმფრენის და ხანაც წყალქვეშა ნავის.

ავტორი: ნელე მოსტი ილუსტრატორი: ანეტ რუდოლფი მთარგმნელი: თამარ მაისურაძე; ნინო ილაშვილი სერია: პატარა ამბები „ცალწინდა ყვანჩალა და მეგობრები“ 4 სახალისო ამბავს აერთიანებს: „ცალწინდა ყვანჩალა ოინბაზობს“ „ცალწინდა ყვანჩალა ცუდად იქცევა“ „ცალწინდა ყვანჩალა ავად ხდება“ „ცალწინდა ყვანჩალა ცრუპენტელობს“

ქართული ტექსტი: თამარ გავაშელიშვილი   ცალწინდა ყვანჩალა და მეგობრები დათვისთვის სხვადასხვა რაოდენობის ნივთებს არ იშურებენ. სერიაში  აღმოაჩენთ 1-დან 3 წლამდე ბავშვებისთვის განკუთვნილ წიგნებს.

ავტორი: ასტრიდ ლინდგრენი მთარგმნელი: ბაკურ სულაკაური  სულაკაურის გამომცემლობა გაგიგია რამე ცეროდენა ნილს კარლსონის შესახებ? დიახ, დიახ, ცეროდენა ნილსის, რომელიც ისეთი პაწაწინაა, რომ ბიჭუნა ბერტილის პერანგის ჯიბეშიც კი ეტევა. ან „ბიჭი-ბიჭი-ბიჭუკელას“ შელოცვა თუ გსმენია? ამ ჯადოსნური სიტყვების წარმოთქმით შეიძლება ისე დაპატარავდე, რომ თაგუნიას სოროში შეძვრე, სადაც ცეროდენა ნილსი ცხოვრობს, და მთელი საღამო მასთან ერთად გაატარო. ცნობილი შვედი საბავშვო მწერლის, ასტრიდ ლინდგრენის ეს პატარა მოთხრობა შინ მარტო დარჩენილი ბიჭისა და მისი ცეროდენა მეგობრის უცნაურ ამბავს მოგვითხრობს.

მთარგმნელი: ბაკურ სულაკაური ამ კრებულში ასტრიდ ლინდგრენის ნაკლებად ცნობილი ზღაპრებია თავმოყრილი, რომელთა უმრავლესობა პირველად ითარგმნა ქართულად. მწერალი, თავის გმირებთან ერთად, უცნაურ სამყაროში გამოგზაურებთ. ბერტილს შეუძლია, ცეროდენა ნისესავით დაპატარავდეს; ბრიტა-კაისა ბაღჩაში თოჯინას გაზრდის; ლოგინს მიჯაჭვული იორანი ყოველ საღამოს მწუხრის ქვეყანაში მიჰყვება ბატონ ლილიონკვასტს; გუნარისა და გუნილას კედლის საათიდან კი ნამდვილი გუგული გამოფრინდება ხოლმე… ასტრიდ ლინდგრენმა კარგად იცის, რომ ბავშვებსაც შეიძლება სტკიოდეთ, უჭირდეთ, თავი მარტოსულად იგრძნონ. მწერალი მათ სანუგეშებლად ქმნის სამყაროს, სადაც ყველაზე სევდიანი ამბავიც კი შეიძლება კეთილად დასრულდეს.

„ციცქნა პინგვინი“ არის წიგნი-საჩხარუნო და ღრძილების მასაჟორი. ამ წიგნის დახმარებით თქვენი შვილი ციცქნა პინგვინთან ერთად იმოგზაურებს. ის გაიცნობს ცხოველებს და შეისწავლის ფერებს. ასაკი: 3 თვიდან

ავტორი: შერონ ჰეილი მთარგმნელი: არჩილ კიკვაძე სერია: ლიბერკიდსი   კონორი, აბეკე, როლანი და მეილინი - უშიშარი მეგობრები და მათი მეომარი ცხოველები ისევ გამოჩნდნენ! ეს კი ნიშნავს, რომ ამ გულადი ოთხეულის დიდი თავგადასავალი გრძელდება! საით გაემართებიან? რა მიზანი ამოძრავებთ ამჯერად? მათი გზა ჩრდილოეთისკენ მიდის, იდუმალებით მოცულ, მუდმივი ყინულის სამეფოსკენ. სწორედ იქ უნდა დაანთონ ცეცხლი - გაუმკლავდნენ დამპყრობლებს და დაამარცხონ ბოროტება. ეს ადვილი არ არის - წინ ფათერაკებით სავსე მოგზაურობა ელით!