ავტორი:ალისტერ ქროული მთარგმნელი: გიგა ბერიაშვილი გამომცემლობა: ახალი ეონის ბიბლიოთეკა "მისტიციზმი" ალისტერ ქროულის ყველაზე ფუნდამენტური ტრაქტატის, Liber ABA-ს, პირველი ტომია, სადაც საუბარია იმ სულიერ გამოცდილებაზე, რომელიც ბუდას, იესოს, მუჰამედისა და მრავალი სხვა მასწავლებლის გონებაში დატრიალდა. აქ აღწერილია ის პროცესი, ის მოვლენები და შემთხვევები, რომელსაც ადამიანის გონება აწყდება ინიციაციის გზაზე. ყველაზე მნიშვნელოვანი კი ის არის, რომ ტექსტი რაციონალური მსჯელობა და კრიტიკული ანალიზია და არა ისეთი ამპარტავანი სულიერი აბდაუბდა, დიადი გურუები რომ ატენიან ხოლმე თავიანთ მრევლს. ტექსტი ეპასუხება კითხვებს: რა მოხდა იესოს, ბუდას და მუჰამედის გონებაში? როგორ იქცნენ ისეთებად, როგორებადაც ისტორიას შემორჩნენ? რა პროცესებს გადიოდა მათი ცნობიერება, ვიდრე უმაღლეს ადამიანებად გარდაისახებოდნენ? ჩვენ როგორ შეგვიძლია მსგავსი გამოცდილება მივიღოთ? ტექსტს დართული აქვს A∴A∴-ის* ოფიციალური ინსტრუქციები, ტექნიკები და რიტუალები, რომლითაც ნებისმიერი ადამიანი შეძლებს, უმაღლესი მაგიის მისტერიებს ეზიაროს.  

ქართველი თანამედროვე და ძველი პოეტები სიყვარულზე. გალაკტიონ ტაბიძე, აკაკი წერეთელი, ლადო ასათიანი, ვახტანგ ჯავახაძე, რატი ამაღლობელი, ბესიკ ხარანაული, ტიციან ტაბიძე, ნიკოლოზ ბარათაშვილი, ანა კალანდაძე, გიორგი კეკელიძე, სალომე ბენიძე, დიანა ამფიმიადი სხვა მწერლები.   ქართველი პოეტები სიყვარულზე - ხალხური სატრფიალო პოეზია -- ხვარამზეს ლექსი -- შენ, ჩემო დიდო იმედო -- აქედანა და შენამდე -- ***(შენს ლოყას ვარდი) -- ***{საყვარელო, შენი ქება} -- ეჰა, განთიადი -- ჭალაზე ჩამოხვიდოდი -- საითკე მიხვალ, ლამაზო -- ქალაუ, შენმა მერდინმა -- შირაქის ველზე მივდივარ -- შენ, მთვარევ, მანათობელო -- ა, ის ღრუბელნი მიყვარან -- (და სხვ.). წიგნი ნესტან-დარეჯანისა საყვარელთან მიწერილი / შოთა რუსთაველი -- სატრფიალონი / ვახტანგ VI -- დედოფალს ანაზედ; ტანო ტატანო / ბესიკი -- "ზუბოვკა"/ დავით გურამიშვილი -- სიყვარულო, ძალსა შენსა; მშვენიერთა ხელმწიფავ; გული წამართვი / ალექსანდრე ჭავჭავაძე -- მუხამბაზი...სო..ორ / გრიგოლ ორბელიანი -- საყურე; ...ნა ფორტეპიანოზედ მომღერალი; ჩემს ვარსკვლავს / ნიკოლოზ ბარათასვილი -- ხმა გულისა; გახსოვს ტურფავ; ***(მაშინ დავტკბები სრულის სამოთხით)/ ილია ჭავჭავაძე -- სიყვარულო; იმერული სიმღერა; მუხამბაზი; საიდუმლო ბარათი / აკაკი წერეთელი -- გასათხოვარს / გიორგი შარვაშიძე -- ისევ შენ და ისევ შენ / ლადო ჯაფარიძე -- ქალას; გამოღმით მე ვარ, გაღმით შენ; რამ გაგაჩინა ქალაო; სატრფოს სიმღერა; სიყვარული / / ვაჟა-ფშაველა -- ვინ დამწყევლა; შუა ზღვაში გადამაგდე ნავიდან / იეთიმ გურჯი -- რომანსი / კოტე მაყაშვილი -- ოფელია და გედები; თეთრი საცოლო; სანტიმენტალური ტრიოლეტი / ვალერიან გაფრინდაშვილი -- რა კარგი ხარ, რა კარგი; შენი ყელი; ჩემი აღმართი; დაბრუნდი?-არა / იოსებ გრიშასვილი == მწრი; უსიყვარულოდ; რაც უფრო შორს ხარ; იმ ვარდისფერ ატმებს; თოვლი / გალაკტიონ ტაბიძე -- სონეტი ელლის; ძახილი; პირამიდები / პაოლო იაშვილი -- ანანურთან; კარმენ სიტა; მე ყაჩაღებმა მომკლეს არაგვზე / ტიციან ტაბიძე -- შენ ჩემში ცოცხლობ; მოქანცული თვალები / კოლაუ ნადირაძე -- ძვირფას ქალს; განშორების შემდეგ; შენს მოლოდინში; ირას / / ტერენტი გრანელი -- ჩემი სიზმარი; დაუმთავრებელი ბარათი / ნიკო სამადაშვილი --(და სხვ.).

ავტორი: კნუტ ჰამსუნი მთარგმნელი: თამარ კვიჟინაძე სერია: ლიტერატული ოდისეა გამომცემლობა: ბაკურ სულაკაურის გამომცემლობა ნორვეგიელი მწერლის, კნუტ ჰამსუნის (1859-1952) „მიწის მადლი“ პირველად 1917 წელს გამოქვეყნდა. 1920 წელს მწერალმა ნობელის პრემია სწორედ ამ რომანისთვის მიიღო. მშრომელი ადამიანების ყოველდღიური ცხოვრების რეალისტური აღწერით, ბუნების მკაცრი სილამაზისა და ადამიანთან ჰარმონიულობის ჩვენებით და პერსონაჟების მიმართ უდიდესი კეთილგანწყობით მწერალი სოფლად მცხოვრები გლეხების ყოფას ცხოვრების თანამედროვე სტილს უპირისპირებს.  

ავტორი: ტერი პრეტჩეტი მთარგმნელი: ბექა არაბული სერია: ლიბერკიდსი   მაღაზიიდან გამოქცევის შემდეგ ნომებს ისევ საფრთხე ემუქრებათ... ცოტა უცნაური, მაგრამ მიზანდასახული პაწაწინა არსებები გადარჩენის გზებს ეძებენ. ფიქრობენ, რომ მათი ყველაზე დიდი მტერი ადამიანია, გულგრილი და უგრძნობი ადამიანი, რომელიც მხოლოდ თავის გეგმებზე ფიქრობს და ირგვლივ ვერავის ამჩნევს... მაგრამ იქნებ ცდებიან? ეს ჯერ არავინ იცის... მათ ჯერ ახალი თავშესაფარი უნდა იპოვონ, მერე კი ნომების წარმომავლობის საიდუმლოს ამოსახსნელად წასული თავისიანების ამბავი შეიტყონ

ავტორი: კალსონ უაითჰედი სერია: ლიტერე ინვენტე მთარგმნელი: ზაზა ჭილაძე   კორა მონაა. ბამბის პლანტაციაში მუშაობს და მისი ცხოვრება ნამდვილ ჯოჯოხეთს ჰგავს. ასაკის მატებასთან ერთად, მისი ქალური ყოფაც სულ უფრო მძიმდება. როცა სიზარი მიწისქვეშა რკინიგზის შესახებ მოუყვება, კორა გადაწყვეტს, გარისკოს და გაიქცეს ბიჭთან ერთად. ახალგაზრდა ქალი თავგანწირვით ცდილობს, დააღწიოს თავი მონობასა და დამცირებას და ამისათვის მრავალი სასტიკი განსაცდელის გადალახვა უწევს...

ავტორი: მარინა კაჭარავა   იუნგის მიხედვით რომ დაგვეწერა ათი მცნება, ერთ-ერთი ამ ათ შორის იქნებოდა, რომ ინდივიდუაციის გზაზე მიჯაჭვულობებისგან (ადიქციებისგან) გავთავისუფლებულიყავით. ფსიქოლოგი მარინა კაჭარავა, საკუთარ წიგნში „მიჯაჭვულობების ფსიქოლოგია“, დეტალურად განიხილავს მთავარ გამოწვევებს თანამედროვე სამყაროში, რაც მიჯაჭვულობებთან კავშირში შეიძლება იყოს. ინტერნეტდამოკიდებულება, გემბლინგი (აზარტულ თამაშებზე დამოკიდებულება), სასმელდამოკიდებულება, ნარკოდამოკიდებულება, სააფთიაქო ნარკომანია, კვებითი დარღვევები  თუ სხვა ტიპის მანიები საუკუნის უდიდესი გამოწვევებია. წიგნში განხილულია მიჯაჭვულობის ყველაზე გავრცელებული სახეები და შემოთავაზებულია პრობლემის დაძლევის გზები, რომლის საშუალებითაც ინდივიდს შეუძლია გავლენა იქონიოს საკუთარ ცხოვრებასა და გარემოცვაზე.

ავტორი: ფრანჩესკა მატეონი სერია: ჰეკატე ეს წიგნი შესავალი და საიმედო გზამკვლევია ტაროს სამყაროში. ის დაგეხმარება ტაროს კრეატიულად გამოყენებაში. ტარო კარგი საშუალებაა საკუთარი თავის, ბედისწერისა თუ მომავლის გამოსარკვევად. ეს წიგნი-ბლოკნოტი დაგეხმარება, დააკვირდე შენი ცხოვრების კონკრეტულ სიტუაციას, ჩაინიშნო მნიშვნელოვანი მომენტები, შთაბეჭდილებები და საინტერესო იდეები კი ჩაიწერო. აქვე დაგხვდება სასარგებლო სავარჯიშოები, რეკომენდაციები შესაბამისი მუსიკის შესახებ, პრაქტიკული რჩევები. მიჰყევი ტაროს - ასე შენ სრულიად ახალ, იდუმალ და ჯადოსნურ სამყაროში იმოგზაურებ!

მთარგმნელი: პაატა ჯავახიშვილის 1960-იანი წლების დასაწყისში, მეორე მსოფლიო ომის დასრულებიდან 20 წლის შემდეგ, ერთ იტალიელ გენერალს, მღვდლის თანხლებით, რომელიც ასევე იტალიის არმიის პოლკოვნიკია, ალბანეთში გზავნიან ომის დროს დაცემული თანამემამულეების ცხედრების საპოვნელად და მათ გადასასვენებლად სამშობლოში, იტალიაში. მისია ძნელი, საინტერესო და მოულოდნელი თავგადასავლებით სავსე აღმოჩნდება. ისმაილ კადარე ალბანელი მწერალი, პოეტი, ესეისტი და სცენარისტია. დაიბადა ალბანეთის სამხრეთში 1936 წელს. წერა ძალიან ახალგაზრდამ, 1950-იანი წლებიდან დაიწყო. მისი ნაწარმოებები ორმოცდაათამდე ენაზეა თარგმნილი.

ავტორი:ნიკოლაი გოგოლი მთარგმნელ(ებ)ი გია ჭუმბურიძეზაზა ჭილაძე სერიის დასახელება დიოგენეს ბიბლიოთეკა   რუსული ლიტერატურის კლასიკოსის, ნიკოლაი გოგოლის (1809 - 1852) „მკვდარი სულები“ იმ დიდ წიგნებს შორისაა, რომლებმაც თვალსაჩინო კვალი დატოვეს მწერალთა და მკითხველთა თაობებზე. მთავარი გმირის, პაველ ივანოვიჩ ჩიჩიკოვის მოგზაურობას სოფლიდან სოფელში, ერთი მემამულის სამფლობელოდან მეორეში წარმოუდგენელი მიზანი აქვს: ეგრეთ წოდებული მკვდარი სულების შეგროვება.   XIX საუკუნის პირველი ნახევრის რუსეთი მკითხველის თვალწინ მთელი სისავსით ცოცხლდება: უსწრაფესად გავრცელებული ჭორებით, უცაბედი გამდიდრების მსურველებით, ქრთამის აღებას დაჩვეული მოხელეებით, განსაცდელში ჩავარდნილი მებატონეებით, დაგირავებული ყმაგლეხობით...

ავტორი: ბესო ხვედელიძე გამომცემლობა:სულაკაურის გამომცემლობა „მეოცე საუკუნის 90-იანებმა საქართველოს მძიმე კვალი დაატყო. თავს დატეხილმა სამხედრო კონფლიქტებმა და სოციალურმა კოლაფსმა ქვეყანაში ბევრ ოჯახს შეაცვლევინა ცხოვრების წესი და კურსი. ნაწილმა ემიგრაციაში გაქცევით უშველა თავს, ქვეყანაში დარჩენილები კი თითქოს რაღაც უზნეო ექსპერიმენტების მსხვერპლად იქცნენ. მათგან ბევრი სწორედ ამ ცვლილებების ხანაში ტრანსფორმირდა მუტანტების ოჯახად.

ავტორი : სებასტიან ჟაპრიზო   სებასტიან ჟაპრიზო ფსევდონიმია. ჟან-ბატისტ როსი 1931 წელს მარსელში დაიბადა. წერა უკვე 17 წლისამ დაიწყო და მისი წიგნი "ცუდი დასაწყისი" თითქმის ერთდროულად გამოიცა საფრანგეთსა და შეერთებულ შტატებში. 22 წლის ასაკში პირველმა თარგმნა ფრანგულად - არც მეტი და არც ნაკლები - სელინჯერის "Catcher in the rye". პარალელურად მუშაობდა სარეკლამო სააგენტოში. გარდატეხა 1962 წელს მოხდა, როდესაც გამოვიდა წიგნი "კუპეს მკვლელობები". როსი დარწმუნებული არ იყო წარმატებაში, ამიტომ წიგნი ფსევდონიმით გამოსცა, თავისი სახელის ანაგრამით - ჟაპრიზო. შედეგმა ყველანაირ მოლოდინს გადააჭარბა. "კუპეს მკვლელობების" მიხედვით კოსტა-გავრასმა ფილმიც გადაიღო. ამას მოჰყვა რამდენიმე წიგნი - ეკრანიზებული საუკეთესო რეჟისორების მიერ, საუკეთესო მსახიობების მონაწილეობით. განსაკუთრებით წარმატებული აღმოჩნდა "მკვლელი ზაფხული", სადაც მთავარი როლი შეასრულა იზაბელ აჯანიმ. ფილმმა რამდენიმე "სეზარი" მიიღო და "ოქროს პალმის რტოს" ნომინაციაზეც კი იყო წარდგენილი. როგორც ჟაპრიზოს ყველა წიგნი, "მკვლელი ზაფხულიც" ერთი ამოსუნთქვით იკითხება, ისიც film noir-ის ელემენტებით არის გაჯერებული და მასაც სრულიად მოულოდნელი დასასრული აქვს. თუმცა "მკვლელი ზაფხულის" სიუჟეტი მაინც განსხვავდება ჟაპრიზოს სხვა რომანების სიუჟეტებისგან. შეიძლება ანტიკური ტრაგედია მოგაგონოს, შეიძლება დოსტოევსკი...

ავტორი: ალაფეა ბერკი, მერი ჰიგინს კლარკი მთარგმნელი: სალომე ჩიტაძე სერია: TOP თრილერი   ტელეპროდიუსერი ლორი მორენი გადაწყვეტს, დაეხმაროს ქალს, რომელიც უსაფუძვლოდ დაადანაშაულეს მკვლელობაში. ქეისი კარტერს თხუთმეტი წლის წინ ბრალად წაუყენეს საქმროს - ცნობილი ფილანთროპის, ჰანტერ როლის მკვლელობა. მიუხედავად იმისა, რომ ქეისიმ სასჯელი მოიხადა, მაინც ,,ეჭვქვეშ" ცხოვრობს - ესმის, როგორ ჩურჩულებენ მასზე მაღაზიებში, ვერ შოულობს სამსახურს, დედაც კი ისე ექცევა, როგორც დამნაშავეს. მისი ამბავი ლორი მორენის გუნდის ყურადღებას იპყრობს - ქეისის ეძლევა შანსი, სახელი აღიდგინოს...

ავტორი: ნაიო მარში სერია: ჯიბის დეტექტივი   "„მარტორქას“ თეატრის ახალი სპექტაკლის სცენარი ვარსკვლავის საგრიმიოროში უჩვეულო კინკლაობაში გადაიზრდება, თვით სპექტაკლსა და სინამდვილეს შორის კი ზღვარი იშლება, როდესაც სიმპათიური ფელიქს გარდენერი თავის აღელვებულ მეტოქეს, ართურ სურბონადიეს, იმ რევოლვერით კლავს, თავად ართურმა რომ დატენა ფუჭი ვაზნებით, მაგრამ ნამდვილად ფუჭი ვაზნებით დატენა ართურმა რევოლვერი? როგორ მოხვდა ნამდვილი ვაზნა თეატრის რეკვიზიტად ქცეულ რევოლვერში? ჩახლართულ საქმეში ინსპექტორმა როდერიკ ალეინმა უნდა გამოავლინოს მკვლელი, რომელიც ბოროტმოქმედების ჯოჯოხეთურად ჭკვიანური დაგეგმვისთვის „ოსკარს“ იმსახურებს"

ავტორი: აგათა კრისტი მთარგმნელი: პაატა ჩხეიძე სახელგანთქმულ ერკიულ პუაროს უჩვეულო მკვლელთან შერკინება უწევს - ის პატარა ბელგიელს წერილებით იწვევს შეჯიბრებაში და მის ხელმოწერაში მხოლოდ სამი ასოა: A, B, C. მკვლელობები მას იმ ადგილებში აქვს დაგეგმილი, რომელთა სახელწოდებები ანბანის რიგს მიჰყვება. ინგლისურ ანბანში 26 ასოა. ნუთუ ბოლო ასომდე აპირებს მისვლას?! ვინ ვის აჯობებს - გონიერი მკვლელი თუ პროფესიონალი მაძებარი? პუაროს მკვლელის ჩანაფიქრის ამოხსნა მოუწევს.  

ავტორი: აგათა კრისტი   "სამხრეთამერიკელ მილიონერს სასწრაფოდ სჭირდება ერკიულ პუაროს დახმარება და თავის მამულში, საფრანგეთის პატარა საკურორტო ქალაქში სთხოვს ჩასვლას. ისიც არ დააყოვნებს და თავის დიდი ხნის მეგობართან, კაპიტან ჰასტინგზთან ერთად სასწრაფოდ გაემგზავრება, თუმცა ამაოდ _ მესიე რენო გოლფის მოედანზე იპოვეს მოკლული. სახელგანთქმულ მაძებარს დახლართულ მოვლენათა ორომტრიალში მოუწევს გადაშვება, რათა მილიონერის მკვლელი იპოვოს. "

ავტორი: აგათა კრისტი   ამ რომანში აგათა კრისტს პირველად შემოჰყავს ყველასათვის საყვარელი დეტექტივი ქალი, მის ჯეინ მარპლი. ამ ხანდაზმულ ქალბატონს მშვენივრად ეხერხება ადამიანის ბუნების უარყოფითი მხარეების გამოვლენა. იგი მღვდლის სახლში მომხდარ დანაშაულს იძიებს. მოსამართლეს, პოლკოვნიკ პროტეროს, თავში ტყვია დაახალეს და მოკლეს. გასროლის ხმა კი არავის გაუგონია. არც რამე სამხილი არსებობს, მიუხედავად იმისა,რომ მისი მოკვლის საფუძველი მასთან მეტ-ნაკლებად დაახლოებულ ყველა ადამიანს აქვს. მის მარპლი იდუმალ მკვლელს კვალში ჩაუდგება.

ავტორი: მაქსინ პაეტრო, ჯეიმზ პეტერსონი მთარგმნელი: არჩილ რაჭველი სერია: ლიბერთინს   ყველაფერი იმ საბედისწერო ღამეს დაიწყო და დამთავრდა ცოლ-ქმრის იდუმალებით მოცული სიკვდილით. ეჭვმიტანილები კი შვილები არიან. ტენდი ენჯელისთვია ბევრი პასუხგაუცემელი კითხვა გროვდება, თუმცა ამ ამბის მთელი ტრაგიზმი ყველასა და ყველაფრისადმი, საკუთარი თავისადმიც კი, გაჩენილი ეჭვი და უნდობლობაა. ტენდის მიზანი ოჯახის შებღალული სახელის აღდგენაა! მცდელობა კეთილშობილურია, თუმცა სარისკო და სახიფათო, რადგან სწორედ ეს მონდომება ახდის ბევრ საიდუმლოს ფარდას.

ავტორი: პოლი ჯექსონი სერია:liberteens   სკოლაში ყველაზე ლამაზი გოგონა შეყვარებულმა მოკლა და ჩადენილის აღიარების შემდგომ თავი მოიკლა. საქმე დაიხურა. პატარა ქალაქმა დაიჯერა, რომ ყველაფერი გაირკვა, მაგრამ მართლაც ისე მოხდა ყველაფერი, როგორც გამოძიებამ „დაადგინა“? პატარა ქალაქში ამის მხოლოდ ერთ გოგონას არ სჯერა. ამიტომაც სკოლის დამამთავრებელი საკვალიფიკაციო პროექტის თემად ეს ამბავი აირჩია და არც შემცდარა, თუმცა ამ ტრაგედიის ბნელი საიდუმლოების გახსნა თურმე ბევრს არ აძლევდა ხელს...

ავტორი: კარლ სეიგანი   მთარგმნელი: ნოდარ მანჩხაშვილი 1997 წელს გამოქვეყნებულ პოპულარულ-სამეცნიერო ნაშრომში ამერიკელი მეცნიერი მიმოიხილავს ადამიანების მიერ კოსმოსის კვლევის საკითხებს. ის ამტკიცებს, რომ კაცობრიობის გადარჩენის უმთავრესი გზა შესაძლოა, სწორედ სხვა სამყაროების ჭკვიანურად „გამოყენებაზე“ გადიოდეს. ამ ამაღელვებელ წიგნში სეიგანი განმარტავს, როგორ შეცვალა სამეცნიერო აღმოჩენებმა ადამიანში როგორც საკუთარი თავის აღქმა, ისე მომავლის ხედვა. კარლ სეიგანი ასტრონომიისა და კოსმოსის კვლევის მეცნიერებათა დოქტორი, ასტროფიზიკოსი და მწერალი იყო. იკვლევდა გენეტიკის დარგს. ასევე, ჰქონდა ფიზიკის მაგისტრისა და ასტრონომიისა და ასტროფიზიკის დოქტორის ხარისხიც.  

წიგნი დაფუძნებულია ცნობილი ველო-მოგზაურისა და გინესის არაერთგზის რეკორდსმენის, ჯუმბერ ლეჟავას მოგზაურობის დროინდელ ჩანაწერებზე. მისი მიღწევებისა და რეკორდების დიდი ნაწილი 1990-1992 წლებში მოგზაურობამდე იქნა დამყარებული.   რაც შეეხება მოგზაურობას, მნიშვნელოვანია იმის გათვალისწინება, რომ მან ეს პროცესი 50 წლის შემდგომ ასაკში დაიწყო, რაც უდიდესი გამოწვევა იყო მისი ფიზიკური და ემოციური მდგომარეობისათვის.   საბოლოოდ, 1993 წელს დაწყებული მოგზაურობა 9 წლის შემდეგ, 2002 წლის 3 ნოემბერს დასრულდა. ამ ხნის განმავლობაში, ჯუმბერ ლეჟავამ ველოსიპედით იმოგზაურა დედამიწის ყველა კონტინენტზე, მოიარა 238 ქვეყანა და ორჯერ იყო ანტარქტიდაზე.   წიგნის მეშვეობით მკითხველი პირველად გაეცნობა ამ საოცარ, ცხოვრებისეულ თავგადასავალს.

ავტორი: გაბრიელ გარსია მარკესი მთარგმნელი: ელზა ახვლედიანი გაბრიელ გარსია მარკესმა 1957 წელს აღმოსავლეთ ევროპაში იმოგზაურა და რამდენიმე თვის განმავლობაში შემოიარა აღმოსავლეთ გერმანია, ჩეხოსლოვაკია, პოლონეთი, საბჭოთა კავშირი და უნგრეთი. „ქვეყნები, ისევე როგორც ქალები, სჯობს ახალგაღვიძებულზე ნახო“ – წერს ერთგან მარკესი და ყოფილ სოციალისტური ბანაკის ქვეყნებში ყოფნისას მუდმივად ცდილობს, ოფიციალური პროტოკოლით დადგენილ მარშრუტებს გაექცეს და უბრალო ადამიანებს გამოელაპარაკოს – პირადად მათგან და მათი ცხოვრების წესზე დაკვირვებით გაიცნოს უკეთ რკინის ფარდის მიღმა არსებული სამყარო.  ღია თვალებით დანახული ადუღებული პოლონეთი, უნგრელი ხალხის ანონიმური პროტესტი სახალხო აჯანყების ჩახშობიდან ერთი წლის შემდეგ, მოსკოვი – ყველაზე დიდი სოფელი მსოფლიოში და საბჭოთა კავშირში აკრძალული კაფკა, რომელიც სტალინის კარგი ბიოგრაფი იქნებოდა... – წაიკითხეთ დიდი კოლუმბიელი მწერლის სამოგზაურო წიგნში.

ავტორი: ზურაბ ქარუმიძე ზურაბ ქარუმიძის რომანი ორი დიდი წიგნის ერთგვარი ანარეკლია. ეს წიგნებია: ფრიდრიხ ნიცშეს „ასე იტყოდა ზარატუსტრა“ და ლუის კეროლის „ელისი საოცრებათა ქვეყანაში.“რომანის მთავარი პერსონაჟი, არა-ზეკაცი სახელად ზეროტუსტრა, იგივე — ზერო, ევროპის დედაქალაქებში მოგზაურობს: ბრიუსელში, რომში, პარიზში, ლონდონში, სტოკჰოლმსა და ბერლინში. მის ამ მოგზაურობას თავისებურად წარმართავს შავწვერა თეთრი ბოცვერი, რომელიც მოულოდნელად გამოხტება ხოლმე და თავს იფეთქებს, შეძახილებით.ევროპას კრიზისი უდგას, ცნობილ მოვლენათა გამო.

ავტორი: აკა მორჩილაძე გამომცემლობა: ბაკურ სულაკაურის გამომცემლობა

გიორგი მაზნიაშვილის "მოგონებანი" მკითხველისათვის არა მარტო საინტერესოდ საკითხავი წიგნი, არამედ საუკეთესო პირველწყარო იქნება საქართველოს ისტორიის მეტად მნიშვნელოვანი პერიოდის შესასწავლად. ეს წიგნი ბევრ კითხვას გასცემს პასუხს: როგორი იყო რეალურად საქართველოს რამდენიმეწლიანი დამოუკიდებლობა, რამდენად სურდა და რა იღონა მენშევიკურმა მთავრობამ საქართველოს კეთილდღეობისათვის, იყო თუ არა საფრთხილო დღეს ასე მტკივნეული აფხაზეთის საკითხი ჯერ კიდევ მაშინ და სხვა.