ავტორი: დევიდ ლაგერკრანცი მთარგმნელი: ეკატერინე სუმბათაშვილი მკითხველი უკვე კარგად იცნობს ჰაკერ ლიზბეთ სალანდერს (“გოგონა დრაკონის ტატუთი”, „გოგონა, რომელიც ცეცხლს ეთამაშებოდა“, „გოგონა, რომელმაც კრაზანების ბუდე დაანგრია“). ჟურნალისტმა ბლუმკვისტმა უნდა გაარკვიოს, სად არის ლიზბეთი და დაეხმარება თუ არა ისევ, ლიზბეთმა კი უნდა გამოიკვლიოს, რა დარჩა მამამისის შექმნილი კრიმინალური იმპერიისგან. მთავარი გმირები აღმოჩნდებიან ობობას ქსელში, რომელსაც ჯაშუშები, ათასი ჯურის დამნაშავეები, სხვადასხვა ქვეყნის კორუმპირებული თანამდებობის პირები ქმნიან. თავიანთი საიდუმლოს დასაცავად ისინი არც მკვლელობას ერიდებიან… 2004 წლის 9 ნოემბერს ჟურნალისტი სტიგ ლარსონი გულის შეტევით გარდაიცვალა. ის ვერ მოესწრო საკუთარი რომანების არნახულ წარმატებას მსოფლიო მასშტაბით – დაიბეჭდა 75 მლნ ეგზემპლარზე მეტი. შვედმა ჟურნალისტმა და მწერალმა დევიდ ლაგერკრანცმა ისე გააგრძელა მილიონობით მკითხველისთვის საყვარელი პერსონაჟების თავგადასავალი, რომ ავტორის სტილი დაიცვა და თან არც მის ფანტაზიას უღალატა. რომანი ისეთ გასაიდუმლოებულ პირობებში იწერებოდა, რომ ლიზბეთ სალანდერსაც კი შეშურდებოდა. წიგნი ერთდროულად გამოსცა მსოფლიოს 25-მა გამომცემლობამ და გამოსვლისთანავე მსოფლიო ბესტსელერი გახდა.

ავტორი: ბექა გელაშვილი   ადამიანისთვის ყველაზე მნიშვნელოვანი ბევრი კარგი მოგონების დაგროვებაა. ყველაფერი დაინგრევა, დაიწვება, დამთავრდება. ყველაფერს მიწა, ცეცხლი ან დრო შთანთქავს. ადამიანი, თვით ადამიანიც კი გაქრება, ადამიანისგან შექმნილ განსხვავებულ და საოცარ მოგონებებს კი დედამიწა იქამდე შეინახავს, სანამ იარსებებს. სიკვდილის წინ თუ გვექნება ის რამდენიმე წამი, საკუთარ წარსულს თვალი რომ გადავავლოთ, ღრმად მწამს, ჩვენი საყვარელი ადამიანები და მათთან გატარებული მნიშვნელოვანი წუთები გაგვახსენდება. წიგნის დიდი ნაწილი რეალურ ამბავზეა აგებული. შეცვლილია პერსონაჟის სახელები. საკუთარ თავზე შეყვარებული ახალგაზრდა მამაკაცი ადამიანებისადმი მიყენებული ტკივილით საზრდოობს. ყოველი გატეხილი გულის შემდეგ, მის სხეულში არსებული დანაწევრებული სული შვებას გრძნობს. მთავარი პერსონაჟის არაფრისმომცემი ცხოვრება იქამდე მიმდინარეობს ეგოისტურად, სანამ არ შეხვდება ადამიანებს, რომლებიც მას მიწაზე დაანარცხებენ.    

ავტორი: დევიდ ლაგერკრანცი მთარგმნელი: ეკა სუმბათაშვილი დრაკონის ტატუთი დამშვენებულ გოგონას არაფერი ავიწყდება და არავის არაფერს პატიობს. ის ციხეშიც კი სამართლიანობას იცავს. სხვე ბისთვის თითქოს შეუმჩნეველი რასობრივი და რელიგიური შეხლა- შემოხლა მას არ გამოეპარება. მიქაელ ბლუმკვისტი ყოველ კვირას დიდ გზას გადის ლიზბეთის მოსანახულებლად და მისგან მითითებებსაც იღებს. დეტექტივისთვის ეს თავგადასავალი რიგითი გამოძიებაა, ლიზბეთისთვის – მისი ბავშვობის საიდუმლოების გასაღები. თუმცა, სიმართლის გამჟღავნება იოლი როდია: სახიფათო ექსპერიმენტის ინიციატორი მეცნიერები ყველაფერს იკადრებენ, რათა წარსული ხელუხლებელი დარჩეს. სალანდერმა იცის, რომ სადაცაა, კვანძი გაიხსნება და ტყუპისცალი დის საბედისწერო ზეგავლენისგანაც მალე დააღწევს თავს. ლიზბეთი არ დანებდება… გოგონა დრაკონის ტატუთი შურს ნებისმიერ ფასად იძიებს… ამ წიგნის დაძაბულობა და დაუცხრომელი ენერგია დევიდ ლაგერკრანცს სტიგ ლარსონის „მილენიუმის ტრილოგიამ“ შთააგონა. სალანდერი და ბლუმკვისტი აგრძელებენ სამართლიანობისთვის ბრძოლას და კიდევ ერთხელ ეცდებიან ქართველი მკითხველის გულის დაპყრობას.  

ავტორი: დევიდ ლაგერკრანცი სტიგ ლარსონის "მილონიუმის ტრილოგიის" გაგრძელება მთარგმნელი: ეკატერინე სუმბათაშვილი გამომცმელობა: ბაკურ სულაკაურის გამომცემლობა    

ავტორი; სტიგ ლარსონი მთარგმნელი: ნიკა სამუშია   პოლიციის მიერ სამმაგ მკვლელობაში ეჭვმიტანილი სალანდერი, რომელიც საკუთარმა მამამ თავში დაჭრა, პოლიციისავე განკარგულებით, სოლგრენსკას საავადმყოფოში სრულ კარანტინშია. ჰაკერ გოგონას „კრაზანების ბუდესთან“ საბრძოლველად ერთადერთი იარაღი აქვს – საკუთარი პალმტოპი.

ავტორი: გაეტან სუსი მთარგმნელი: ირინა ლაბაძე   ორი ბავშვი მარტო მათ ავტორიტარ მამასთან ერთად თვალუწვდენელ მამულში ცხოვრობს, სადაც დრო გაჩერებულია. მათ მიერ შექმნილი სამყარო შემოფარგლულია წაკითხული ფილოსოფიითა და ზღაპრებით რაინდობის შესახებ. როდესაც მათი მამა კვდება, ისინი გადაწყვეტენ მის დამარხვას და მოულოდნელად შეეჯახებიან მეზობელი სოფლის მცხოვრებლებს, რის შედეგადაც მათი რომანტიული და ცრუ საბურველი იცვლება მათივე არსებობის საშინელი სინამდვილით. შესანიშნავი, ოსტატური რომანი, რომელშიც არაფერია იმის მსგავსი, რაც პირველად წარმოგიდგენიათ...

ავტორი: ბერნარდინ ევარისტო მთარგმნელი: თამარ ჯაფარიძე სერია: ლიტერე ინვენტე პირველად ქართველი მკითხველისთვის - თანამედროვე ინგლისურენოვანი ლიტერატურის უმნიშვნელოვანესი წარმომადგენლის, ლიტერატურული პრემია ბუკერის 2019 წლის ლაურეატის, ბერნარდინ ევარისტოს რომანი „გოგონა, ქალი და სხვა დანარჩენი“. ამა ბონზუ - აფრიკული ფესვების მქონე ბრიტანელი რეჟისორი - თავისი ბოლო წარმოდგენის პრემიერისთვის ემზადება და ღელვისგან გული უსკდება. ასე იწყება 12 ქალის ცხოვრების ამსახველი რომანი-პანო. ამამ, რადიკალმა ფემინისტმა, უნდა გადალახოს უამრავი წინაღობა და უკომპრომისოდ იაროს თავისი ოცნებებისკენ მიმავალ გზებზე. ეს ოცნებები იმდენად კონკრეტული და მკაფიოა, რომ მამაკაცსაც კი ამ ნიშნით ირჩევს დროებით პარტნიორად - ზუსტად იცის, როგორი შვილი უნდა გააჩინოს. და ეს, ალბათ, ერთადერთი კომპრომისია შემოქმედის პირად ცხოვრებაში. ამ პოლიფონიურ რომანში, ამა ბონზუს გარდა, 19 წლის იაზის, 93 წლის ჰეტისა და კიდევ 9 ქალის ამბებია მოთხრობილი.... ეს გულის ამაჩუყებელია, შთამაგონებელი, დამთრგუნველი და ზოგჯერ შემაძრწუნებელი ამბები ისეთივე ნამდვილია, როგორიც მილიონობით სხვა ქალის ცხოვრება, რომელზეც არავის დაუწერია. ეს წიგნი მათზეც არის.

ავტორი: ემა კლაინი მთარგმნელი: ნინო ტეფნაძე გამომცემლობა: ბაკურ სულაკაურის გამომცემლობა სერია: ლიტერატურული ოდისეა  

ავტორი: ფრანც კაფკა თარგმნა რუსუდან კანჯიანომ რომანს ,,გოდოლი'' შეიძლება ეწოდოს ხორცშესხმული თეოლოგია, თუმცა, ეს არის უწინარესად, ხსნის მაძიებელი კაცის ობოლი სულის უგზოუკვლო ფარფატისა, რომელიც ცდილობს, ქვეყნიერების საგნებში ჩასწვდეს უზენაეს საიდუმლოს, ხოლო  ქალებში - იპოვოს უფლის ბეჭედი, რომელიც მათშია შთასახული.

ავტორი: ოთარ ჭილაძე  ადამიანი სინდისია, სინდისის გარდა, რაც არ უნდა წაართვა, მაინც ადამიანი იქნება… სიკვდილის მერეც ადამიანისგან მარტო სინდისი რჩება. სინდისი იგივე სულია ადამიანისა, ანუ სული იგივე სინდისია… ვიდრე ადამიანს სინდისი აწუხებს, ყველაფერს ეშველება კიდევ, რადგან მთავარი ის კი არ არის, ღმერთმა ტალახისგან რომ შემქმნა ის, არამედ, მთავარია, თავისი სული რომ ჩაჰბერა იმ ტალახს.“ - წერდა ოთარ ჭილაძე, ქართული ლიტერატურის სინდისი, რომლიც პროზაც, პოეზიაც და წერილებიც მწერლის პასუხისმგებლობისა და სინდისიერების უზადო ნიმუშია.

ავტორი: გუსტავ მაირინკი სერია: უკვდავი ბიბლიოთეკა მთარგმნელი: თამარ კოტრიკაძე გამომცემლობა: წიგნები ბათუმში  

ავტორი: ჯონ რონალდ რუელ ტოლკინი სერია: პორტალი მთარგმნელი: გიორგი გომართელი "ღმერთების შუღლის ქარტეხილში მოქცეულა გონდოლინი, თვალწარმტაცი ქალაქი, რომლის მდებარეობა მტრისთვის ჯერჯერობით უცნობია. მორგოთს, ბოროტების განსახიერებას, გამორჩეულად სძულს გონდოლინის მეფე, ტურგონი, და ამაოდ ცდილობს საგულდაგულოდ დამალული ქალაქის აღმოჩენას. ამ დროს ღმერთებს ცხარე კამათი გაუმართავთ და უმრავლესობა მორგოთთან დაპირისპირებული ულმოს მხარდაჭერაზე უარს ამბობს. ულმოს ერთადერთი იმედი ტუორია _ სწორედ მას ავალებს გონდოლინის დაცვას! დაპირისპირების დასასრული შემზარავია. მორგოთი ქალაქზე ყველაფერს შეიტყობს და მის გასანადგურებლად ბალროგების, დრაკონებისა და ურიცხვი ორკის ლაშქარს გაგზავნის."

ავტორი:ჯეინ ოსტინი მთარგმნელი:გია ბერაძე ორი და, ორი სრულიად განსხვავებული ხასიათი: ერთი მხრივ, მშვიდი და წინდახედული ელინორი, რომლის ხვედრი სხვათა ნუგეშისცემაა, მეორე მხრივ კი, მგრძნობიარე და იმპულსური მარიანა. დიდი ტკივილისა და მრავალი განსაცდელის შემდეგ რწმუნდებიან დები, რომ გრძნობა მხოლოდ საღ აზრთან ერთად იძლევა ბედნიერების შანსს საზოგადოებაში, რომელშიც ფული და სოციალური სტატუსი ბატონობს. სწორედ ორი დის ცხოვრებისეულ გამოცდილებაზე გვიამბობს ჯეინ ოსტინის პოპულარული რომანი "გონება და გრძნობა".

ავტორი:ჯეინ ოსტინი მთარგმნელი: პაატა ჩხეიძე რა ხდება, როცა მამა შვილებს ერთმანეთისგან განასხვავებს - ერთ ქალიშვილს აღმერთებს, ხოლო მეორეს უგულებელყოფს? რა ხდება, როცა დედას სიკვდილის შემდეგ დიასახლისობა უფროს ქალიშვილს ერგება, ის კი მამის გამფლანგველობას წაახალისებს და უმცროს დაზე მბრძანებლობს? რა ხდება, როცა ენ ელიოტი ხარ და, მიუხედავად იმისა, რო, თავდავიწყებით გიყვარდება ფრედერიკ უენტუორთი, იძულებული ხარ გონების ხმას მოუსმინო და უარი თქვა შენს რჩეულზე? და რა მოხდება, თუ სიყვარული დროს გაუძლებს და ყველა მიიღებს იმას, რაც დაიმსახურა?

ავტორი: ჭაბუა ამირეჯიბი   ,,პატიმარს უფლება სრულიად არაფრისა ჰქონდა. ყველაფერი აკრძალული იყო და როცა ყველაფერი აკრძალულია, მაშინ ყველაფერი ნებადართულია ასეც გახლდათ. ყველაფერი შეიძლებოდა და ამის გამო იყო ის დრო მშვენიერი! ამაში ცუდი არაფერია. განა ვინმეს, სადმე, როდისმე, ვისთვისმე და რისიმე უფლება ნებაყოფლობით მიუცია? უფლება შეიძლება მოიპოვო, მოიტაცო, მიითვისო, გამოსძალო, ეშმაკობით ჩაიგდო ხელში, მოიპოვო, მაგრამ თუ ჭკუამყოფელი ხარ, საჩუქრად არ უნდა მოელოდე, რადგან ისტორიამ დაამტკიცა..."

ავტორი: ე.ლ. ჯეიმზი „გრეი“ ბრიტანელი მწერლის, ე. ლ. ჯეიმზის მეოთხე ეროტიკული რომანია. მილიარდერი კრისტიან გრეისა და უნივერსიტეტის კურსდამთავრებულის, ანასტასია სტილის ვნებიანი ურთიერთობა გრძელდება. ამჯერად კრისტიანი მოგვითხრობს თავის უჩვეულო, განსხვავებულ გრძნობებზე, რომლებიც ანასტასიას მიმართ უჩნდება. პირველად ცხოვრებაში გოგონასთან დაუოკებელი ვნების გარდა უჩვეულო სიმშვიდეც ეუფლება და მისი დაკარგვის შიში იპყრობს. ეს ის არ არის, რაც მანამდე სხვა მორჩილებთან განუცდია. ნუთუ ეს სიყვარულია? გრეის უჭირს ამის აღიარება, მიუხედავად იმისა, რომ უკვე ბევრი რამე გააკეთა ანასტასიასთან ერთად „პირველად ცხოვრებაში“.

ავტორი: სოფო არდია   რამდენი ადამიანიცაა — იმდენი ისტორიაა. მთავარია, შენი ისტორია იმ ერთისას დაემთხვას... ეს ისტორია კი ერთ ჭკვიან მანიპულატორ ადამიანზეა, რომელიც სხვებით თამაშობდა და თავისი მიზნის მისაღწევად არაფერს იშურებდა. ის ყველაზე ცნობილი იყო იმ დროს, ყველაზე პოპულარული... მაგრამ სინამდვილეში მას მაინც არავინ იცნობდა.

ავტორი: ნატო დავითაშვილი „გრძელი ამბავი ნისლთა მოსვლისა“ ნ. დავითაშვილის „იროელთა ქრონიკების“ ბოლო წიგნიცაა და პირველიც.როგორც ქრონიკების მე-7 წიგნი,ეს ბოლოა და ამით სრულდება დიდი თავგადასავალი.თუმცა „ნისლთა მოსვლა“ ყველაფრის დასაწყისიცაა,ჯადოსნური გასაღები,რომლითაც ექვსი სხვა კარი იღება.„ამბავი ლილე იროელისა“,„როცა ფრთოსანი ლომები დაბრუნდებიან“,„აიას გზა“,„ლურჯი სუფრის მოცეკვავე“,„ოთხი მხარე და ოთხი სვეტი“,„ნისლებში და ნისლებს მიღმა“ - 6 წიგნი და 6სამყარო, რომელთა დასაწყისიც და დასასრულიც ახლა ხელში გიჭირავთ.

ავტორი: სარუ ბრაიერლი მთარგმნელი: გია ბერაძე სერია: ლიტერე ინვენტე   ინდოელი მწერალი და ბიზნესმენი სარუ ბრაიერლი ავსტრალიაში გაიზარდა, მაგრამ არასოდეს დავიწყებია ის მატარებელი, რომელმაც ჩვეული ცხოვრებისგან, სახლისგან, დედისა და და-ძმებისგან შორს წაიყვანა. დედობილმა ოთახში ინდოეთის რუკა ჩამოუკიდა, რათა არ დავიწყებოდა, საიდან იყო. ბიჭი ყოველ დილას შეჰყურებდა რუკას და ფიქრობდა თავის სამშობლოზე, ოჯახზე, იმაზე, თუ როგორ დაიკარგა და იმაზე, თუ ბედნიერი შემთხვევის წყალობით, როგორ იპოვა ავსტრალიელი მოყვარული მშობლები. ავტობიოგრაფიულ რომანში მწერალი მოგვითხრობს, როგორ იპოვა Google Earth-ის წყალობით თავისი პატარა ქალაქი და ოჯახი და როგორ დაუბრუნდა 25 წლის განშორების შემდეგ თავის ფესვებს, როგორ გაიარა გრძელი გზა შინისაკენ, რომელიც მონატრებითა და დარდით, თუმცა კი იმედით იყო სავსე.

თარგმნა გოდერძი რუხაძემ ავტორი: იუჯინ ონილი   „ნობელის პრემიის ლაურეატის იუჯინ ო’ნილის შედევრი „გრძელი დღის შემოღამება „ ხშირად სახელდება მე-20 საუკუნის ამერიკული საუკეთესო პიესების შორტლისტში – ტენესი უილიამსის „ტრამვაი სახელად სურვილი! „ და არტურ მილერის „კომივოიაჟორის სიკვდილ „-თან ერთად. „გრძელი დღის შემოღამება „ რამდენადმე ავტობიოგრაფიულია, დაწერილია ორმოციანი წლების დასაწყისში და ო‘ნილის შემოქმედების მწვერვალადაც კია მიჩნეული. პიესას პულიცერის პრემია მიენიჭა. 1962 წელს ამერიკელმა კინორეჟისორმა სიდნი ლიუმეტმა, რეჟისორმა პოპულარული ფილმისა „12 გაბრაზებული მამაკაცი „ (1957) გადაიღო ფილმი ამ პიესის მიხედვით ოთხგზის ოსკაროსანი ქეთრინ ჰეპბერნისა და თეატრის ცნობილი მსახიობის რალფ რიჩარდსონის მონაწილეობით, რომელთაც 1962 წელს საერთაშორისო კინოფესტივალზე კანში თავიანთი როლების საუკეთესო შესრულებისათვის პრიზები დაიმსახურეს. ფილმს ჩვენს ეკრანებამდე არ მოუღწევია, მაგრამ ინტერნეტის მეშვეობით შესაძლებელია მისი ნახვა. დაინტერესებულ მკითხველსა და მაყურებელს ვურჩევთ სრული ესთეტიკური განცდისათვის ჯერ გოდერძი რუხაძის შესანიშნავად თარგმნილი პიესა წაიკითხოს და შემდეგ ნახოს ფილმი.“ – ბეგო ბეჟუაშვილი

ავტორი: კენ კიზი მთარგმნელი: ზაზა ჭილაძე სერია:

ავტორი: რობერტ გელბრეითი მთარგმნელი: პაატა ჩხეიძე სერია: TOP თრილერი როცა ცნობილი ტოპმოდელი, ლულა ლენდრი, თავისი პენტჰაუზის დათოვლილი აივნიდან გადმოვარდა და სასიკვდილოდ დაშავდა, ეს თვითმკვლელობად ჩათვალეს, მაგრამ მის ძმას სამართალდამცავთა დასკვნისა არ სჯერა და საქმის გამოსაძიებლად კერძო დეტექტივს, კორმორან სთრაიქს მიმართავს. კორმორან სთრაიქს ომმა მძიმე დაღი დააჩნია, დაასახიჩრა. შინ დაბრუნებულმა ცხოვრებაც ვერ ააწყო და ახლა ვალების გასტუმრების იმედი აქვს ლულა ლენდრის საქმის გამოძიებით. მაგრამ, როდესაც ვარსკვლავის ცხოვრების ჩახლართულ ისტორიას ჩაუღრმავდება, ყველაფერი თავდაყირა დგება – ახლა თავად სთრაიქს ემუქრება სასიკვდილო საფრთხე... „გუგულის ძახილი“ რობერტ გელბრეითის პირველი კრიმინალური რომანია, რომელიც 2013 წელს გამოქვეყნდა. რობერტ გელბრეითის რომანები კორმორან სთრაიქის შესახებ კლასიკური კრიმინალური დეტექტივების სერიაა, რომელიც საინტერესო, დახვეწილი სიუჟეტითა და გმირებით გამოირჩევა. სწორედ ამიტომ აღიარეს გელბრეითი დეტექტივების ოსტატად. რომანმა „გუგულის ძახილი“ დიდი აღიარება მოიპოვა და ბესტსელერების სიაში პირველი ადგილი დაიკავა. რობერტ გელბრეითი ჯოან როულინგის ფსევდონიმია.  

ავტორი: ინგმარ ბერგმანი  "გულახდილი საუბრები" არის წიგნი ცოლ-ქმრულ ურთიერთობაზე, სადაც ანა, ახალგაზრდა იმპულსური ქალი და მისი მეუღლე ჰენრიკი, მღვდელი, 1920- იანი წლების შვედეთში ცხოვრობენ. ანა ჰენრიკზე ნაჩქარევად დაოჯახდა, დედამისის ნების საწინააღმდეგოდ. ახლა კი ეს ქორწინება მას სულს უხუთავს და შედეგად, წამოიწყებს სასიყვარულო რომანს თომასთან, თეოლოგიის ფაკულტეტის სტუდენტთან. მიუხედავად იმისა, რომ ამ ურთიერთობაში ანა პოულობს ვნებებს, რაც ჰენრიკთან აკლია, სულ მალე მას დანაშაულის განცდა წამოეწევა და იწყებს აღსარებების ციკლს მისთვის ყველაზე ახლო ადამიანთან - ბავშვობისდროინდელ მოძღვართან, დედასთან, საუკეთესო მეგობართან და თავის მეუღლესთანაც კი. თითოეული ეს საუბარი, ცხადყოფს, თუ რამ უბიძგა ანას ღალატისკენ: უსიყვარულო ქორწინებამ, შენდობის წყურვილმა, რწმენაში დაეჭვებამ თუ რწმენის ქონის აუცილებლობამ. თუმცა, ყოველი მომდევნო აღსარებით ვხვდებით, რომ ანა ვერც ნუგეშს პოულობს და ვერც პატიებას.  

ავტორი:ჯონათან სვიფტი მთარგმნელი: ზაზა ჭილაძე,გია ჭუმბურიძე სერია: გაკვეთლების მერე საკითხავი წიგნში მოთხრობილია ქირურგ ლემუელ გულივერის მოგზაურობა ფანტასტიკურ, გამოგონილ ქვეყნებში. მწერლის მახვილგონიერება გმირის თავგადასავ­ლებს მსოფლმხედველობრივი განსჯის ასპარეზად აქცევს, იუმორი კი ფილოსოფიურ გადახვევებს სილაღეს ანიჭებს.