ავტორი: გერი ჩეპმენი მთარგმნელი: ლევან ინასარიძე   გიჭირთ თქვენს თინეიჯერთან საერთო ენის გამონახვა? თინეიჯერების აღზრდა ასეთი დამაბნეველი არასოდეს ყოფილა. თუ გაწუხებთ ფიქრი იმაზე, რომ რაღაცას სწორად არ აკეთებთ, იცოდეთ -თქვენ გამონაკლისი არ ხართ. მთავარია, არ დაკარგოთ იმედი. თუკი მოახერხებთ სიყვარულის სათანადოდ გამოხატვას მკვეთრად შეცვლილი თქვენი თინეიჯერის მიმართ, მასთან სიახლოვის შენარჩუნებასა და საჭირო გავლენის მოხდენასაც შეძლებთ და, რაც ყველაზე მთავარია, ღირსეულ და შეგნებულ პიროვნებად ჩამოყალიბებაში დაეხმარებით. დოქტორი გერი ჩეპმენი გასწავლით, როგორ: • გაუგოთ დღევანდელ თინეიჯერებს • მიაგნოთ თქვენი თინეიჯერისთვის შესაფერის სიყვარულის ენას • აღმოაჩინოთ თქვენი თინეიჯერისადმი სიყვარულის გამოხატვის საუკეთესო ფორმები • უპასუხოთ თქვენი თინეიჯერის სწრაფვას დამოუკიდებლობისაკენ და ჩაუნერგოთ პასუხისმგებლობის გრძნობა • გულისხმიერებითა და გონიერიებით დაეხმაროთ შეცდომის დაშვების შემთხვევაში თინეიჯერის აღზრდა რთულია, მაგრამ დოქტორი ჩეპმენის პროფესიულ რჩევებსა და პრაქტიკულ მაგალითებზე დაყრდნობით ამას წარმატებით, თანაც - ძალიან კარგად შეძლებთ!

ავტორი: ჰექტორ გარსია, ფრანსესკ მირალესი მთარგმნელი:  ანა ალბუთაშვილი იკიგაი ხანგრძლივი და ბედნიერი ცხოვრების იაპონური საიდუმლოა. ყველას უნდა ბედნიერად და ხანგრძლივად ცხოვრება, მაგრამ როგორ მივაღწიოთ ამას? ამ კითხვაზე პასუხი ამ წიგნში გელოდებათ. ვინც იპოვის საკუთარ იკიგაის, მიიღებს ყველაფერს ხანგრძლივი და ბედნიერი ცხოვრებისთვის. იკიგაის ტრანსფორმაციული ძალა აქვს, ის გაპოვნინებთ ცხოვრების აზრს, ის თქვენი უშრეტი მოტივაციისა და ენერგიის წყარო გახდება. ამ წიგნში გაეცნობით სხვადასხვა ტექნიკას, რომელიც თქვენი იკიგაის პოვნაში დაგეხმარებათ. მოგზაურობა იკიგაის სამყაროში იწყება აქ და ახლა!

ავტორი : ზიგმუნდ ფროიდი მთარგმნელი : ვახტანგ გორგიშელი გამოცემა აერთიანებს ზიგმუნდ ფროიდის სამ ნაშრომი – „მასების ფსიქოლოგია და ეგოს ანალიზი“, „სიზმართხილვის შესახებ“, „ილუზიის მომავალი“ „მასების ფსიქოლოგია და ეგოს ანალიზი“ – ნაშრომი რომელიც მასობრივ გაერთიანებათა სოციალურ-ფსიქოლოგიურ ანალიზს ეძღვნება. აღნიშნული ნაშრომის ერთ-ერთი მთავარი ღირსება ის გახლავთ, რომ იგი წარმოადგენს ფსიქოანალიზიდან, როგორც თერაპიული მეთოდოლოგიიდან, ფსიქოანალიზზე, როგორც ფილოსოფოსობის ფორმაზე გადასვლას. ასეთი გადასვლა ხორციელდება ფსიქოანალიზის დებულებათა გამოყენებით სოციალური მოვლენებისა და პროცესების ასახსნელად. ფროიდი ცდილობს ინდივიდუალურ-ფსიქიკური დონე დაუკავშიროს საზოგადოებრივ ფენომენთა სტრუქტურულ და დინამიურ ასპექტებს. ფროიდის თანახმად, პიროვნების ფსიქოლოგია ფართო გაგებით სოციალურ („მასობრივ“) ფსიქოლოგიასაც წარმოადგენს, რადგან ადამიანის ფსიქიკურ ცხოვრებაში ყოველთვის მყოფობს „სხვა“. „მასების ფსიქოლოგია“ ადამიანს განიხილავს, როგორც სოციალური ერთობის ნაწილს, ანუ როგორც ბრბოს შემადგენელ ნაწილს. „სიზმართხილვის შესახებ“ გახლავთ „სიზმართა განმარტების“ შემოკლებული ვერსია, რომელიც პირველად გამოქვეყნდა 1901 წელს და სიზმრის წარმოქმნის ფსიქიკური პროცესის, სიზმრის გამომწვევი მოტივებისა და მისი ფარული შინაარსის ცხადად ქცევის პრობლემებს ეხება. „ილუზიის მომავალი“ ფროიდის გვიანდელი პერიოდის ნაშრომია, რომელიც 1927 წელს გამოქვეყნდა და რომელიც მისი მოძღვრების განვითარების უკანასკნელ პერიოდს ეკუთვნის. ამ პერიოდში ის ოდნავ შორდება ფსიქიკის ყველა ასპექტის განმარტებას სექსუალური ინსტინქტებით და შეავსებს მას სიკვდილისკენ ლტოლვის, განადგურების იდეებით. ურყევი ათეისტი – ფროიდი, დარწმუნებულია, რომ რელიგია – ილუზიაა. ამაში ის ღრმად არის დარწმუნებული. დარწმუნებულია იმაშიც, რომ მხოლოდ მეცნიერების საშუალებითაა ჭეშმარიტება მიღწევადი, მაგრამ თუ გონებაც ილუზიაა, ის მზად არის ამ ილუზიის შედეგები მიიღოს.  

სერია: NONFICTION ავტორი: ოლივერ საკსი მთარგმნელი: თამარ ლომიძე   წიგნში „კაცი, რომელსაც ცოლი ქუდი ეგონა“ ცნობილი ბრიტანელი ნევროლოგი, ოლივერ საკსი (1933-2015) აღწერს უჩვეულო შემთხვევებს მისი კლინიკური პრაქტიკიდან. მაგალითად, განათლებული, იუმორით აღსავსე მუსიკის მასწავლებლის ამბავს, რომელსაც ვიზუალური აგნოზია განუვითარდა და სახეებისა და საგნების ცნობის უნარი დაკარგა, მიუხედავად იმისა, რომ მკაფიოდ ხედავდა მათ, ან ამერიკელი მეზღვაურის შემთხვევას, რომელიც, ამნეზიის გამო, ათწლეულების შემდეგაც დარწმუნებული იყო, რომ ისევ 1945 წელი იდგა, ფლოტში მსახურობდა და ომი ახლახან დასრულებულიყო, მთვარიდან გადაღებული დედამიწის ფოტოს ნახვისას კი ეგონა, რომ უხეიროდ ეხუმრებოდნენ. ტვინის ამა თუ იმ უბნის დაზიანების მქონე ოცზე მეტი პაციენტის დაუჯერებელი ისტორიები ბევრ სამეცნიერო ნაშრომზე უკეთ გვიამბობს ადამიანის ფსიქიკისა და სულის (სიტყვა, რომელსაც საკსი, ბევრი კოლეგისაგან განსხვავებით, არ ერიდება) სიღრმეებზე.

ცნობილია, რომ თბილისის სახელმწიფო უნივერსიტეტში თავისი ლექციები მერაბ მამარდაშვილმა დაიწყო შემდეგი სიტყვებით: „მე მოვდივარ თქვენთან ჩემი მარტოობიდან თქვენს ობლობასა და მიტოვებულობაში”. მოცემული წიგნი არის მცდელობა, რომ გავიაზროთ თუ რა მოხდა ამ შეხვედრის დროს, ვინ იყო მერაბ მამარდაშვილი და რა გამოცდილება და მემკვიდრეობა დაგვრჩა ფილოსოფოსთან შეხვედრიდან.

ავტორი: ოშო წიგნში შესულია 1970 წლის დისკუსიები, რომლებშიც თქვენ გაეცნობით მედიტაციისა და ექსტაზის ხელოვნებას.

ავტორი: მარინა კაჭარავა   იუნგის მიხედვით რომ დაგვეწერა ათი მცნება, ერთ-ერთი ამ ათ შორის იქნებოდა, რომ ინდივიდუაციის გზაზე მიჯაჭვულობებისგან (ადიქციებისგან) გავთავისუფლებულიყავით. ფსიქოლოგი მარინა კაჭარავა, საკუთარ წიგნში „მიჯაჭვულობების ფსიქოლოგია“, დეტალურად განიხილავს მთავარ გამოწვევებს თანამედროვე სამყაროში, რაც მიჯაჭვულობებთან კავშირში შეიძლება იყოს. ინტერნეტდამოკიდებულება, გემბლინგი (აზარტულ თამაშებზე დამოკიდებულება), სასმელდამოკიდებულება, ნარკოდამოკიდებულება, სააფთიაქო ნარკომანია, კვებითი დარღვევები  თუ სხვა ტიპის მანიები საუკუნის უდიდესი გამოწვევებია. წიგნში განხილულია მიჯაჭვულობის ყველაზე გავრცელებული სახეები და შემოთავაზებულია პრობლემის დაძლევის გზები, რომლის საშუალებითაც ინდივიდს შეუძლია გავლენა იქონიოს საკუთარ ცხოვრებასა და გარემოცვაზე.

ავტორი: ჰაიმ ჯ. ჯინოტი მთარგმნელი: დოდო ყვავილაშვილი ”მშობელსა და შვილს შორის“ 35 წლის განმავლობაში მსოფლიოში მილიონობით დედ-მამას დაეხმარა შვილებთან ურთიერთობის აწყობაში. ეს შეუცვლელი სახელმძღვანელო გვაჩვენებს, როგორ შეიძლება: ვასწავლოთ დისციპლინა მუქარის, მოსყიდვის, დაცინვისა და დასჯის გარეშე; გავაკრიტიკოთ - დამცირების, შევაქოთ - განსჯის, გავუჯავრდეთ ტრავმის მიყენების გარეშე; კი არ ვედავოთ, არამედ ჩავწვდეთ მოზარდების გრძნობებს, შეფასებებსა და შეხედულებებს; ხელი შევუწყოთ იმას, რომ ბავშვებს საკუთარი თავის რწმენა გამოუმუშავდეთ.

გონება და ფიქრის უნარი არის საშუალება გარე და შინაგანი სამყაროს შესამეცნებლად, როდესაც ამ საშუალებას სწორად ვიყენებთ ჩვენი ნაფიქრალი სასარგებლო ხდება ჩვენთვის და ვისაც ვუზიარებთ, მათთვისაც. „ნაფიქრალის“ იდეა რამდენიმე წლის წინ „აზროვნების აკადემიაში“ დაიბადა, რომელიც  აერთიანებს სხვადასხვა პროფესიის 11 საინტერესო ადამიანის შინაგან მონოლოგს. გვსურს, ამ წიგნით მათი ნაფიქრალის თანამონაწილეები გაგხადოთ. გვსურს, ამ წიგნით მათი ნაფიქრალის თანამონაწილეები გაგხადოთ. წიგნი აერთიანებს 11 ავტორის ნაფიქრალს: ▶ ზურაბ კიკნაძე ▶ რეზო კორინთელი ▶ ანდრო დგებუაძე ▶ დეკანოზი თეოდორე გიგნაძე ▶ გურამ მეგრელიშვილი ▶ ნატო ინგოროყვა ▶ გიორგი კეკელიძე ▶ გია მურღულია ▶ გაგა ნიჟარაძე ▶ ლელა ფირალიშვილი ▶ ზაზა ფირალიშვილი

ავტორი : მარტინ ჰაიდეგერი     ჰაიდეგერის ტექსტი „პლატონის სწავლება ჭეშმარიტების შესახებ“ მონიშნავს იმ პირველად ალგორითმს, რომლითაც ხდება გადასვლა ჭეშმარიტებიდან, ვით დაუფარველობიდან - ჭეშმარიტებაზე, ვით განსჯის იდეის საგანთან შესაბამისობაზე. ჰაიდეგერის თვალსაზრისით, პლატონის მიერ იდეის ღიაობის წარმმართველად გამოცხადება, იმ გამოუთქმელ მოცემულობაზე მიგვითითებს, თუ რა დადგინდა პლატონთან ჭეშმარიტების არსად; ჭეშმარიტება აღარ გაიაზრება, როგორც არსი დაუფარველობისა მისი ყოფიერებითი სისასვისგან, არამედ იგი იდეის არსს გადაეცემა. ჭეშმარიტების არსი კარგავს დაუფარველობას, - თავის მთავარ მახასიათებელს. თუ არსებულთან ნებისმიერ მიმართებაში, ყოველივე დამოკიდებულია ίδεΐν-ზე, იდეაზე, „ტიპის“ დანახვაზე, მაშინ არსებულთან მიმართების ყოველგვარი მცდელობა, უპირველეს ყოვლისა, ამგვარი ხედვის უზრუნველყოფაზე უნდა კონცენტრირდეს. ამისთვის კი, საჭიროა ხედვის სისწორე. ჰაიდეგერის თქმით, პლატონთან აღქმა უიგივდება იმას, რაც უნდა იყოს დანახული - „ხედვას“-ს არსებულისა. ამის შედეგად ჩნდება όμοίωσις - შემეცნების იგივეობა საგანთან. ამრიგად, ხედვის უპირატესობა ალითიასთან შედარებით არის ის წინაპირობა, საიდანაც ხდება ჭეშმარიტების არსის ცვლილება. ჭეშმარიტება იქცევა  όρθότης-ად, „სიმართლედ“, გამოთქმისა და აღქმისა.    ჰაიდეგერისთვის, ჭეშმარიტების არსის ცვლილება, ამავდროულად, მოასწავებს ჭეშმარიტების ადგილის ცვლილებას. ვითარცა ღიაობა, ჭეშმარიტება ჯერ ისევ რჩება მთავარ მაჩვენებლად თავად არსებულისა. თუმცა, ვითარცა სიმართლე „შეხედულებისა“, ის არსებულთან ადამიანური ურთიერთობის მახასიათებლად იქცევა. მსჯელობა იქცევა ჭეშმარიტებისა და მცდარობის გარჩევის ადგილად. ჭეშმარიტების ამგვარ განსაზღვრებას უკვე არაფერი აქვს საერთო ალითიასთან, როგორც ღიაობასთან. პირიქით, αλήθεια (ღიაობა, დაუფარველობა) ამჯერად ψευδος-ის, ე.ი. მცდარის, საწინააღმდეგოა და გაიაზრება, ვითარცა სისწორე. ჭეშმარიტების ამგვარი გაგება, ჰაიდეგერის აზრით, სააზროვნო დამღად დაედება დასავლეთს.

ავტორი ანა ბიკოვა     ამ წიგნში განხილულია ბავშვის აღზრდის მარტივი და მნიშვნელოვანი საკითხები.თანამედროვე მშობლებს ყოფნით ენერგია,რომ უპირობოდ ჩაერიონ შვილების ყველა აქტივობაში,მოუგვარონ პრობლემები,მათ ნაცვლად მიიღონ გადაწყვეტილებები,დაუგეგმონ ცხოვრება - მოკლედ,იცხოვრონ მათ მაგივრად.სჭირდებათ კი ეს თავად შვილებს?ხომ არ არის ეს საკუთარი ცხოვრებიდან გაქცევა შვილების ცხოვრებაში?ეს არის ჭკვიანი წიგნი და კეთილი წიგნი იმაზე,თუ როგორ გავხდეთ კარგი დედა და როგორ ვასწავლოთ შვილს დამოუკიდებელი ცხოვრება...   რამდემიმე წლის წინ გამოქვეყნებულმა სტატიამ „რატომ ვარ ზარმაცი დედა“ დიდი პოპულარობა მოიპოვა. მან მოიარა მშობლების ყველა ცნობილი ფორუმი; გამოიწვია კამათისა და განხილვის ქარიშხალი. აღმოჩნდა, რომ დღეს ძალიან ბევრს ადარდებს დამოუკიდებელი შვილების თემა და ახალგაზრდა თაობის ინფანტილურობის პრობლემა. იმისათვის რომ თქვენი შვილი გახდეს დამოუკიდებელი, საჭიროა შესაბამისი პირობების შექმნა. ამ წიგნიდან შეიტყობთ: *როგორ ვასწავლოთ ბავშვს საკუთარ საწოლში ძილი, ჩაცმა და სათამაშოების ალაგება; * როდის ჯობს ბავშვის დახმარება და როდის შევიკავოთ თავი; * როგორ გამოვრთოთ საკუთარ თავში დედა-პერფექციონისტი და ჩავრთოთ „ზარმაცი დედა“; * რატომაა საშიში ჰიპერმზრუნველობა და როგორ ავიცილოთ თავიდან იგი; * როგორ ჩავუნერგოთ ბავშვს საკუთარი შესაძლებლობების რწმენა; და ა.შ.

ავტორი: ალფრედ ადლერი   წიგნში დემონსტრირდება ფსიქოლოგიური პრინციპების პრაქტიკული გამოყენება გარემომცველ სამყაროსთან და სხვა ადამიანებთან ჩვენი ყოველდღიური ურთიერთობების არა მარტო ასაწყობად, არამედ ჩვენი შინაგანი ცხოვრების ორგანიზაციისთვისაც. ამ წიგნის მიზანია - პირველი რიგში, გვიჩვენოს, თუ ერთი ადამიანის ქცევის არასწორად შერჩეულ წესს როგორი დისჰარმონია შეაქვს ჩვენს საზოგადოებრივ ცხოვრებაში.. მეორეს მხრივ, ცალკეულ ადამიანებს ასწავლოს საკუთარი შეცდომების გამოსწორება და აღიარება.

ავტორი:დეილ კარნეგი    ამ წიგნში თქვენ ნახავთ ყველაფერ აუცილებელს, რათა გახდეთ ორატორული ხელოვნების ვირტუოზი. მასში გაანალიზებულია ის ხერხები, რომლებითაც კაცობრიობის ისტორიის მანძილზე დიდი ორატორები სარგებლობდნენ.აქ თქვენ გაიგებთ: როგორ მოემზადოთ სათანადოდ პრეზენტაციისთვის, როგორ ჩამოაყალიბოთ საკუთარი უნიკალური სტილი, როგორ დაძლიოთ სცენის შიში და ერთ წუთში როგორ დაიპყროთ ნებისმიერი აუდიტორია. ეს სრულფასოვანი პრაქტიკული სახელმძღვანელოა, რომელიც შეიცავს რჩევებს, ხერხებს და მაგალითებს დიდი ორატორების ცხოვრებიდან.

ავტორი:დიპაკ ჩოპრა დოქტორი დიპაკ ჩოპრა გვთავაზობს სრულიად მოულოდნელ შეხედულებას მავნე ჩვევებზე, და ამ ჩვევებით შეპყრობილ ადამიანებზე. მიუხედავად იმისა, რომ მავნე ჩვევებს ჩვენთვის მოაქვს ფიზიკური და ემოციური ტანჯვები, ეს წიგნი სიყვარულზე და იმედზე, ჯანმრთელობაზე და ბედნიერებაზეა.

ავტორი: გურამ მეგრელიშვილი მწერალი და კინოსცენარისტი გურამ მეგრელიშვილი 2009 წლიდან მასწავლებელია. ის, “აზროვნების აკადემიაში” დაარსების დღიდან მოზარდებთან მუშაობს ლიტერატურისა და შემოქმედებითი წერის მიმართულებით.  ამ წიგნში გამოქვეყნებული წერილები მრავალწლიანი პედაგოგიური გამოცდილების ერთგვარი შეჯამებაა, რომელიც, სხვადასხვა წლებში, და ჩვენი ერთგული მკითხველებისა და ჟურნალ mastsavlebeli.ge-ს აუდიტორიისთვის იწერებოდა. 

ავტორი: BPE   რჩევები და ხერხები – როგორ ვმართოთ »შეშლილ-ობა«? ფსიქიატრიასთან გამოცდილების მქონე პირთა გერმანული ასოციაცია »მეგზური« განკუთვნილია ფსიქიატრიასთან გამოცდილების მქონე ადამიანებისა და მათი ახლობლებისათვის, რომლებიც კრიზისის დროს და მის შემდეგ მხარში უდგანან ამ პიროვნებებს. აქ მოცემული რჩევები საშუალებას გვაძლევს ინდივიდუალურად მოვეკიდოთ ამ მდგომარეობას; გვეხმარება, შეძლებისდაგვარად ფსიქოტროპული წამლების გარეშე, ორგანიზმისადმი ზიანის მიყენების გვერდის ავლით, მოვლენების მართვასა და მყუდროებისა და სტაბილურობის მოპოვებაში. ტექსტს ახლავს ფსიქიატრ თემურ იოსებაძის ბოლოსიტყვაობა და დამხმარე ორგანიზაციების საკონტაქტო ინფორმაცია.

ავტორი: ზიგმუნდ ფროიდი მტარგმნელი: მაია ბადრიძე სერია: NONFICTION   ზიგმუნდ ფროიდის (1856-1939) – ფსიქოანალიზის ფუძემდებლის – ერთ-ერთი უმთავრესი ნაშრომი „სიზმრის ინტერპრეტაცია“ 1900 წელს გამოიცა (ფაქტობრივად, 1899 წლის ნოემბერში დაიბეჭდა). ითვლება, რომ ფსიქოანალიზის საუკუნე სწორედ ამ წიგნით დაიწყო. ავტორის სიცოცხლეში „სიზმრის ინტერპრეტაცია“ რვაჯერ დაიბეჭდა განახლებული რედაქციით. თავისი თეორიის განვითარების კვალდაკვალ, ფროიდს შესაბამისი ცვლილებები შეჰქონდა ტექსტში. წიგნის ქართული გამოცემა პირველი, 1900 წლის, გამოცემის თარგმანია – ტექსტის, რომელშიც ყველაზე ნაკლებია კრიტიკული შენიშვნებისა და გავლენებისაგან გამოწვეული ცვლილებები.     რატომ ვხედავთ სიზმრებს? რას გვაუწყებენ ისინი? რა ფუნქციას ასრულებს სიზმრის ფენომენი ადამიანის ფსიქიკურ ცხოვრებაში? ფროიდის „სიზმრის ინტერპრეტაცია“ ამომწურავი პასუხების გაცემის მცდელობაა კითხვებზე, რომლებიც კაცობრიობას დასაბამიდან აღელვებს.

“Amo, ergo sum” – “მიყვარს, მაშასადამე ვარსებობ” არის ბრიტანელი პოეტის კეტლინ რეინის ერთ-ერთი ლექსის სახელწოდება, რომელშიც იგი აჩვენებს თუ რა არსებითი კავშირი აქვს სიყვარულს არსებობასა და სიცოცხლესთან. წინამდებარე წიგნში წარმოდგენილია აზროვნების აკადემიაში სიყვარულის ირგვლივ გამართული საუბრები. განხილულია სიყვარულის ფსიქოლოგიური და ფილოსოფიური ასპექტები, სიყვარულის რა განსხვავებული ტიპი არსებობს, როგორ ვლინდება სიყვარული ცალკეულ ფსიქოტიპში და როგორ არის შესაძლებელი მათი ურთიერთშეწყობა, რამდენად მნიშვნელოვანია სიყვარული ურთიერთობებსა და გარემომცველ სამყაროსთან დამოკიდებულებაში, რას ფიქრობდნენ სიყვარულის შესახებ ფილოსოფოსები და რით არის მნიშვნელოვანი ეს ნააზრევი ჩვენთვის და დასასრულს კი მსჯელობა ეხება იმ საკითხს, თუ რატომ უნდა წარმოვიდგინოთ სიყვარული, როგორც არსებობის აუცილებელი პირობა.

ავტორი: ზურა მხეიძე ზურა მხეიძის ლექციების თემატიკა თითქმის მთლიანად მოიცავს იმ ფსიქოლოგიურ სამყაროს, რომელშიც ჩვენ ყოველდღიურად ვცხოვრობთ: სიყვარული – თავისი უამრავი ფორმით, ტყუილი – ავ-კარგით, ემოციის ამოცნობა და მართვა, საკუთარი თავის განთავისუფლება საკუთარივე ზღვრისგან, ბავშვის და ზრდასრულის შეფასება და თვითშეფასება, ინდივიდუალური და ჯგუფური სტერეოტიპები, ურთიერთობები დასავლურ თუ აღმოსავლურ კულტურებში და ჩვენი ადგილი მათ შორის, ურთიერთობა ქალსა და მამაკაცს შორის, ურთიერთობა ბავშვებთან და ხანდაზმულებთან, ურთიერთობები სამსახურში… ზურა მხეიძის საუბრებიდან ყოველთვის ახალს აღმოაჩენ, იქაც კი, სადაც ათასჯერ გაგივლია და აღარ აქცევ ყურადღებას, რადგან გგონია, რომ ყველაფერი იცი. აღმოჩენას ყოველთვის ახლავს სიახლის სიამოვნება, მაგრამ, ამასთანავე, აღმოჩენა ხელს უწყობს ახალ შესაძლებლობათა დანახვას, მათ შორის, პრაქტიკული პრობლემების გადაჭრაში. ბევრ ინტელექტუალურ სიამოვნებას მიიღებთ და პრაგმატულად გამოსაყენებელ ცოდნასაც შეიძენთ.

ავტორი : ირვინ იალომი   ირვინ იალომი – სტენფორდის უნივერსიტეტის ფსიქიატრიის პროფესორი,  ეგზისტენციალურ-ჰუმანისტური ფსიქოლოგიის ერთ-ერთი დამფუძნებელი, ფსიქოთერაპიის „მესამე ტალღის“ წარმომადგენელი და მრავალი მხატვრული და სამეცნიერო წიგნის ავტორი, რომელიც ბესტსელერებად იქცა.  დაუჯერებელია, მაგრამ ფაქტია, თუ რა სასწაულების მოხდენა შესძლებია ფსიქოთერაპიას. მას უნარი შესწევს, სრულიად გარდაქმნას ადამიანის ცხოვრება, მისი ცნობიერება, ფსიქიკა.  სტენფორდის (აშშ) უნივერსიტეტის პროფესორის – ირვინ იალომის ჯადოსნური საქმიანობა სწორედ ამის ნათელი დასტურია. ავტორის ათ ნოველაში მკითხველი გაეცნობა, ფსიქოთერაპიული სეანსების შედეგად როგორ აღივსო სიცოცხლის ხალისით სუიციდისკენ მიდრეკილი პიროვნება; როგორ დაუბრუნდა ოჯახს და საზოგადოებას ცხოვრებაზე ხელაღებული შვილმკვდარი დედა; როგორ იქცა ტანწეწეტა, ლამაზ ქალიშვილად ქონისა და ხორცის გროვად ქცეული უფრომო არსება; როგორ შეიძლება დაიძლიოს სიკვდილის შიში. ირვინ იალომის თერაპიული პრაკტიკა, სამეცნიერო ნაშრომები, ლიტერატურული შემოქმედება, თუ ლექციები კაცობრიული აზროვნების ისტორიისათვის ფასდაუდებელი სიმდიდრეა. 

ავტორი: ჯეი შეტი სერია: ლურჯი ოკეანე გვერდით არავინ არ მოგვიჯდება და სიყვარულს ასე არავინ გვასწავლის. ასე რომ, ხშირად ურთიერთობაში რომანტიკული ფილმებიდან და პოპკულტურიდან მიღებული ინფორმაციით ძლივძლივობით ვერკვევით. ყოველ შემთხვევაში, აქამდე ასე იყო. ნაცვლად იმისა, რომ სიყვარული რაღაც არამიწიერ ცნებად ან მთელი რიგი კლიშეების სახით წარმოგვიდგინოს, ჯეი შეტი კონკრეტულ, პრაქტიკულ ნაბიჯებს გვთავაზობს, რომელთა გადადგმაც დაგვეხმარება იმაში, რომ სიყვარულის სწავლისა და მისი განმტკიცებისთვის საჭირო უნარების განვითარება იმაზე უკეთ მოვახდინოთ, ვიდრე ოდესმე. იმ სამყაროში, რომელიც სავსეა ზედაპირული ურთიერთობებით და მოწყურებულია ღრმა ადამიანურ კავშირებს, ჯეი შეტი გვთავაზობს წიგნს, რომელსაც ყველანი ველოდით, რომელშიც მოცემულია უძველესი სიბრძნე, რაც დაგვეხმარება იმაში, რომ ყველაზე მნიშვნელოვან ამოცანაზე – საკუთარ თავთან ჩვენსავე ურთიერთობაზე ვიმუშაოთ.

ავტორი:  დაიენ ბრაიანტი | ბრაიან ბრაიანტი | დებორა სმითი       სამეცნიერო რედაქტორი ბავშვთა და მოზარდთა ფსიქოლოგი მარიამ უგუზაშვილი მთარგმნელი რამაზ ხატიაშვილი   სკოლებში შეზღუდული შესაძლებლობის მქონე მოსწავლეთა საჭიროებების დაკმაყოფილება, სამწუხაროდ, დღემდე სირთულეს წარმოადგენს, და ინკლუზიურ გარემოში მომუშავე ბევრი მასწავლებელი ჯერაც დაურწმუნებელი და მოუმზადებელია ამ ტიპის სიძნელეებთან გასამკლავებლად. წინამდებარე წიგნის მიზანია მასწავლებელთა დახმარება, რათა მიიღონ საჭირო ცოდნა, რომელიც უახლესი კვლევებითაა დადასტურებული და პრაქტიკაში მრავალგზისაა გამოცდილი, და შეძლონ სპეციალური საჭიროების მქონე მოსწავლეებისთვის სათანადო განათლების მიცემა. მკაფიო ენისა და პრაქტიკული მაგალითების საშუალებით, ავტორები, წამყვანი მეცნიერები და დარგის სპეციალისტები – დაიენ ბრაიანტი, ბრაიან ბრაიანტი და დებორა სმითი – აჩვენებენ, როგორ შევქმნათ მართლაც ინკლუზიური საკლასო გარემო მტკიცებულებებზე დაფუძნებული პრაქტიკისა და პრაქტიკული სტრატეგიების მეშვეობით. ვიმედოვნებთ, ეს გამოცემა შთაგონების წყარო გახდება ბევრი მასწავლებლისთვის. შესაბამისი ცოდნისა და ინსტრუმენტების წყალობით, ყველა მასწავლებელს შეუძლია დადებითი ცვლილებები შეიტანოს სპეციალური საჭიროებების მქონე მოსწავლეების საგანმანათლებლო პროცესში.

ავტორი:ჩარლზ ენელი   ეს წიგნი, რომელიც კლასიკად ითვლება აზრის შემოქმედებითი ძალის შესახებ, გვაძლევს ყველაზე ნათელ, ამომწურავ და ამასთან მოკლე ახსნას იმ კანონებისა, რომლებიც ეხებიან ისეთ მოვლენას, როგორიცაა წარმატება. თუ თქვენ გინდათ რაღაცის მიღწევა - არა მხოლოდ ბიზნესში, არამედ უბრალოდ ცხოვრებაში, - "მასტერ-გასაღების" სისტემა გასწავლით, ეს როგორ გააკეთოთ. ჩარლზ ენელის ეს წიგნი ბილ გეიტსს და სილიკონის ველის მილიონერებს თავის სამაგიდო წიგნად მიაჩნიათ.

 ავტორი: ალფრედ ადლერი   დიდი ავსტრიელი ფსიქოლოგის და ფსიქიატრის ალფრედ ადლერის ამ შესანიშნავ წიგნში გადმოცემულია მის მიერ შექმნილი სექსუალობის თეორია, რომელშიც მკვეთრად დაუპირისპირდა ზ. ფროიდის შეხედულებებს. ადლერი, ფროიდისგან განსხვავებით, ამტკიცებდა, რომ პიროვნება, მთელი მისი მრავალფეროვნებით განსაზღვრავს სექსუალური მისწრაფებების ხასიათს.