santaesperanza

ღირებულება
დან
მდე
ფასი (GEL)
  • ფასდაკლება
  • გაშალე და იპოვე, დროში მოგზაური!
    ვაკვირდები ჩემი პატარა თვალებით! ამ ინოვაციური დასაკეცი წიგნებით თქვენი ბავშვი უამრავ რამეს აღმოაჩენს და 10-მდე დათვლას ისწავლის.
    19.95
    გაშალე და იპოვე, ცხოველთა ნაკვალევზე!
    ვაკვირდები ჩემი პატარა თვალებით! ამ ინოვაციური დასაკეცი წიგნებით თქვენი ბავშვი უამრავ რამეს აღმოაჩენს და 10-მდე დათვლას ისწავლის.
    19.95
    გედის საყვირი
    ავტორი: ე. ბ. უაითი მთარგმნელები: ციცო ხოცუაშვილი სერია: მოსწავლის ბიბლიოთეკა   თეთრი გედი ლუი მესაყვირე გედების ოჯახში ცხოვრობს. მისი და-ძმები მხიარული კუჭკუჭითა და ყივილით ავსებენ არემარეს, ლუის კი ეს არ შეუძლია – უხმო მოევლინა ქვეყნიერებას. ლუის ძალიან უნდა, სასიყვარულო ბალადები უმღეროს სერენას – ულამაზეს გედს მთელ ტბაში, მაგრამ არაფერი გამოსდის. სატრფოს გულის მოგებაში მას წერა-კითხვის ცოდნაც კი ვერ ეხმარება… ბოლოს ლუის მამა გადაწყვეტს შვილის დახმარებას და მისთვის ნამდვილ თითბრის საყვირს მოიპარავს. ლუი ბედნიერია. სჯერა, რომ ახლა ნამდვილად შეძლებს, სერენას თავი შეაყვაროს… თუმცა აჯობებს, ამბის დასასრული თავად წაიკითხოთ. „ჩვენ და ჩვენს შვილებს გაგვიმართლა, რომ ეს წიგნი არსებობს“ – ჯონ აპდაიკი (მეოცე საუკუნის ამერიკელი მწერალი)
    8.9
    გზა ვარსკვლავებამდე არც ისე შორია
    ავტორი: ინა იმედაშვილი     რა ხდება მას შემდეგ, რაც ჩვენთვის უსაყვარლესი ადამიანი სხვა სამყაროში გადაინაცვლებს და დიდ მოგზაურობას იწყებს; როგორ შეიძლება ყველაზე სევდიანი და ნაღვლიანი ამბავი დიდ თავგადასავლად იქცეს? ეს არის წიგნი დედასა და შვილზე, მათ ჯადოსნურ კავშირზე, რომელსაც ვერანაირი ამქვეყნიური განსაცდელი ვერ მოერევა. ეს არის წიგნი, სადაც თითოეული სიტყვა ცოცხალი ემოცია და განცდაა. პატარა სესეს ამაღელვებელი, საოცარი ამბავი ამავე დროს დედამისის ტკივილის და მონატრების ამბავიცაა. სწორედ ამ ტექსტში შეეცადა დედა, რომ თავის ბიჭი არ დაეკარგა. სიტყვებს ერთი უცნაური თვისება აქვთ – ისინი ცოცხლდებიან და ხდებიან ხოლმე. ამიტომაც ეს წიგნი იქცევა სახლად სესესთვის და სახლად დედისთვის, და მგონია, რომ ძალიან ბევრი დედა, ძალიან ბევრი შვილი იპოვის აქ თავშესაფარს.   როდესაც ოქროსთმიანი სესე მეგობარ ბახალასთან ერთად ჩვენგან მიემგზავრება და წინ უცნაურზე უცნაური, ზღაპრული თავგადასავალი ელის, აქ დარჩენილი დედა ცდილობს, ბიჭის კვალი არ დაკარგოს, მასთან კავშირი არ გაწყვიტოს. ეს წიგნიც ამის ერთ-ერთი მცდელობაა.   წიგნში უძველესი ზღაპრების, თქმულებების, ლეგენდების, ყველასთვის ნაცნობი ტექსტების ხვეულებში იბადება სრულიად ახალი ამბავი, ამბავი გადარჩენისა და რწმენის. რომ სადღაც, შორეულ კოსმოსში, თუკი ყურს კარგად მივუგდებთ, შესაძლოა მართლაც გავიგონოთ ათასი ზანზალაკის ხმა, ჩვენგან გაფრენილი ბავშვების ჟრუანტელისმომგვრელი, უცნაური სიხარულის მომტანი კისკისი.   ანა იმედაშვილის ილუსტრაციებით
    13.95
    გმირი ღამის ავტობუსში
    ავტორი: ონჯალი რაუფი სერია: საოცრება მთარგმნელი: მაია წითაძე რაც თავი მახსოვს, სულ შარში ვეხვევი. თუმცა, ამას დიდად არ ვდარდობ – საუკეთესო იდეები სწორედ სასჯელის მოხდისას, სკოლის დირექტორის კაბინეტში მომდის. ბოლო დროს ჩემი აღარავის სჯერა, თუნდაც სიმართლეს ვამბობდე. განსაკუთრებით მას შემდეგ, რაც უსახლკარო მოხუცს ოინი მოვუწყვე… ყველას ერთი მჩაგვრელი ბიჭი ვგონივარ. ვერ წარმოუდგენიათ, რომ მეც შეიძლება გავხდე გმირი. ამ წიგნის მთავარი პერსონაჟი – ჰექტორი – მართლაც აბეზარი ბიჭია. მაგრამ ერთ დღეს ისეთ ამბავს შეესწრება, რომ მისი ცხოვრება მთლიანად იცვლება. მას შემდეგ ჰექტორს ახალ მეგობრებთან ერთად ბევრი დაბრკოლების გადალახვა და არაერთი საიდუმლოს ამოხსნა მოუწევს… წაიკითხე თანაგრძნობის, სიკეთისა და მეგობრობის ეს უჩვეულო და საინტერესო თავგადასავალი და დარწმუნდი, რომ ყველას შეუძლია გახდეს უკეთესი ადამიანი.  
    12.9
    გოგო, კატა და ლოცმანი
    ავტორი: მატილდა ვუდსი მთარგმნელი: ანა ჭიჭინაძე სერია: ლიბერკიდსი   ჩრდილოეთის ზღვის სიახლოვეს, ტალღების ხმაურში ცხოვრება - უკვე თავგადასავალია! და ეს შენი თავგადასავალიც იქნება, თუკი ამ წიგნს გადაფურცლავ! დიდი სანაოსნო მოგზაურობა გელის. თუმცა სანამ ცნობილ კაპიტანთან, მის ნაბოლარა შვილთან, კატასთან და ლოცმანთან ერთად ზღვაში გახვალ, მანამდე ზღვიდან გამორიყული, დამსხვრეული გემებისგან აშენებულ პატარა სოფელში მოგიწევს ცხოვრება. იქაური სახლები ზღვის ამბებს მოგიყვებიან, შეიძლება იმ ტავერნაშიც აღმოჩნდე, რომელსაც "ჩაძირული გველთევზა" ჰქვია და სადაც კაპიტანი ბრიტი სწორედ ამ წუთებში შვილის შეძენას ზეიმობს, წინასწარმეტყველი ფრეიდის სპირსი კი ზღვის ნაპირზე დგას, ყურზე ნაჟარა მიუდვია და ახალ წინასწარმეტყველებას ისმენს - ალბათ სწორედ შენ შესახებ - ჩრდილოეთ პოლუსს კიდევ ერთი მოგზაური ბავშვი უახლოვდება!
    12.95
    გოდერძი ჩოხელი - მოთხრობები
    ავტორი:  გოდერძი  ჩოხელი ჩვენი დროის ერთ-ერთი გამორჩეული, თვალსაჩინო მწერლისა და რეჟისორის, გოდერძი ჩოხელის მოთხრობების კრებულში თავმოყრილი 11 არაჩვეულებრივი მოთხრობა გაჟღენთილია სიკეთით, ზნეობით, ჰუმანურობისა და მიმტევებლობის განცდით და, რაც მწერლის შემოქმედების უმთავრესი მოტივია, უსაზღვრო და უკიდეგანო სიყვარულით, რომელიც „დამტკიცებას არ საჭიროებს, იგი თვითონ მტკიცდება იქ, სადაც ფეხს დაადგამს!“
    22.95
    გოჭი სახელად ბატიბუტი
    ავტორი: ჰელენ პიტერსი   მთარგმნელი: ნათია ჯინჯოლავა ბედის ანაბარა დარჩენილ ციცქნა გოჭს დახმარება სჭირდება. თუ ვინმე არ უშველის, ან შიმშილი მოკლავს, ან და-ძმები გაჭყლეტენ… ჯეინს ბევრი არ უფიქრია. უსუსური არსება მეზობლის ფერმიდან მალულად წამოიყვანა, შეიფარა დაუმკურნალა. ბატიბუტი გადარჩა, თუმცა, გოგონას არ შეუძლია, გოჭუნა სამუდამოდ დაიტოვოს… ერთქარიშხლიან ღამეს კი უბედურება ხდება და ყველაფერი იცვლება…
    8.9
    გრიმვუდი
    ავტორი: ნადია შირინი სერია: Liberkids   დატოვა ქალაქის ყველაზე მრისხანე კატა _ ნენსიმ ტედს ხელი ჩაჰკიდა და ქალაქიდან წაიყვანა. და-ძმამ საიმედო თავშესაფრად გრიმვუდი აირჩია, თუმცა აქ ქურდბაცაცა არწივი და ბასრკლანჭიანი ბუ ხვდებათ _ ხიფათი და განსაცდელი არ მთავრდება...
    11.95
    გრუფალო და სხვა ამბები
    ავტორი: ჯულია დონალდსონი, აქსელ შეფლერი „ – რა გრუფალო, რის გრუფალო? – რა არ გაგიგონია?“ ჰკითხეთ თქვენს პატარებს, მათ თუ გაუგონიათ. გააცანით გრუფალო და ეს ძალიან გულუბრყვილო, სასაცილო არსება უთუოდ შეუყვარდებათ. გრუფალოს მხიარულ ამბებთან ამ ფერად წიგნში პატარა გრუფალიკოს, „წიგნისჭია“ ჩარლი ბინის, კოპწია, კეთილი ახმახისა და სხვების საინტერესო ამბებსაც წაიკითხავთ
    19.9
    გრძელთმიანი კნუტი-ბიჭი
    ავტორი: ეთგარ კერეთი მთარგმნელი: თეონა თხელიძე ყველაფერი დაიწყო ზოოპარკში, გაგრძელდა საჰაერო ხომალდზე და დასრულდა სტემპერის ქუჩის მეორე სართულზე – გრძელთმიანი კნუტი-ბიჭის ბუნებრივ გარემოში. ჩვენი გმირი სამზარეულოს კარებთან დგას, ხელში რვეული უჭირავს და კითხულობს ინსტრუქციას, როგორ უნდა აღვზარდოთ ისეთი გამორჩეული ცხოველი, როგორიცაა გრძელთმიანი კნუტი-ბიჭი. გრძელთმიანი კნუტი-ბიჭი მახვილგონივრული და ამაღელვებელი ზღაპარია, რომელიც მამა-შვილის ურთიერთობას უკვირდება და გვამოგზაურებს ბავშვის უსასრულო წარმოსახვებში.
    28.9
    გრძელფეხება მამილო
    ავტორი: ჯინ უებსტერი მთარგმნელი: ციცო ხოცუაშვილი სერია: მოსწავლის ბიბლიოთეკა ჯუდი აბეტი ობოლთა თავშესაფრის მკვიდრი გოგონაა, რომლის ერთფეროვანი, მოსაწყენი ცხოვრება ერთ მშვენიერ დღეს სრულიად იცვლება – საიდუმლო მეურვე საუკეთესო კოლეჯში სწავლას უფინანსებს და სანაცვლოდ ერთადერთ რამეს ითხოვს: გოგონამ ახალი ცხოვრების ამბები წერილებით უნდა შეატყობინოს. ამ პირობას ჯუდი ბეჯითად ასრულებს და ყოველ ახალ ამბავს, განცდასა და ფიქრს იმ ადამიანს უზიარებს, ვისი სახეც არასდროს უნახავს; არც გვარი და სახელი იცის და, ხუმრობით თუ ცოტა ირონიითაც, „გრძელფეხება მამილოს” დაარქვა… მაინც ვინაა სინამდვილეში გრძელფეხება მამილო? ნუთუ ჯუდი ვერასდროს გაიგებს, რა ჰქვია კაცს, რომელმაც მისი გული და გონება ახალი ფიქრებით ააფორიაქა და ის სამყარო აჩუქა, რომელზე ოცნებასაც ვერ ბედავდა?
    11.9
    გრძელფეხება მამილო
    ავტორი: ჯინ ვებსტერი მთარგმნელი: ლია გუგუნავა გამომცემლობა: დიოგენე ყდა: რბილი  
    16.95
    გრძელცხვირა ჯადოქარი მარსია
    ავტორი:თამრი ფხაკაძე სერია: მოსწავლის ბიბლიოთეკა ერთ წვიმიან დღეს გრძელცხვირა ჯადოქარ მარსიას ქოხთან თვით მეფე ბუთხუზ პირველმა ჩამოიარა ეტლით. მარსიამ ის შინ შეიპატიჟა, მაგრამ დაუდევარ ჯადოქარს წვიმაში გალუმპული მეფის გაშრობის წესი შეეშალა და… ის დღე იყო და ის დღე – მეფე ბუთხუზი სამეფოში აღარავის უნახავს. ამის შემდეგ ნამდვილად არნახული და საოცარი ამბები დატრიალდა ტყესა თუ სასახლეში. ვინღა არ ეძებს გაუჩინარებულ მეფეს: ვეზირები თუ მინისტრები, გუშაგები თუ ვარსკვლავთმრიცხველები, მზარეულები თუ დალაქები, მრჩევლები, დამნიავებლები, საიდუმლოთუხუცესი და კიდევ რაღაცათუხუცესები… წაიკითხე მშვენიერი ილუსტრაციებით გაფორმებული ეს მხიარული ზღაპარი და გაერთე მის არაჩვეულებრივ გმირებთან ერთად.
    11.9
    გრძელცხვირა ჯადოქარი მარსია, მეფე ბუთხუზ პირველი და სხვები (6 წლიდან)
    ავტორი: თამრი ფხაკაძე  სერია: მოსწავლის ბიბლიოთეკა სულაკაურის გამომცემლობა
    10.9
    დააჭირე აქ
    ავტორი: ერვე ტიულე ასაკი: 2-5 წელი „ბავშვის განვითარებისთვის უმნიშვნელოვანესია მასთან აქტიური ურთიერთობა – ერთად თამაში, საუბარი, წიგნის კითხვა სულ პატარა ასაკიდან… სამყაროს უკეთ შეცნობასა და აუცილებელი ემოციური კავშირის დამყარებაში ბავშვებს სწორედ თქვენი ჩართულობა ეხმარება. წიგნის ერთად კითხვა ურთიერთობის სასიამოვნო საშუალებაა; ამასთან, ის მოსმენილის გაგებისა და გააზრების უნარის ჩამოყალიბებასაც უწყობს ხელს. წაუკითხეთ ეს წიგნი თქვენს პატარას, დაეხმარეთ, შეასრულოს წიგნში მოცემული ყველა მოქმედება და აღმოაჩენთ, რომ ბავშვს ბევრი მნიშვნელოვანი ფსიქიკური უნარი განუვითარდება, მათ შორის – მეხსიერების, მეტყველების, ყურადღების კონცენტრაციის, წარმოსახვის, კომუნიკაციისა თუ პრობლემის გადაჭრისა… გაატარეთ დრო თქვენს პატარასთან ერთად სახალისოდ და შინაარსიანად. გისურვებთ წარმატებას!“ ნატა მეფარიშვილი, ბავშვთა და მოზარდთა ფსიქოლოგი
    15.9
    დათვი, სახელად პადინგტონი (წიგნი 1)
    ავტორი: მაიკლ ბონდი მთარგმნელი: თეა ბაკურაძე დათვი პადინგტონი შორეული, უღრანი პერუდან ჩამოვიდა. მისტერ და მისის ბრაუნებმა ის პირველად რკინიგზის სადგურზე ნახეს და მას შემდეგ მათი ოჯახის ცხოვრება სამუდამოდ შეიცვალა – ჩვეულებრივი დღეები დაუვიწყარ თავგადასავლებად იქცა, რადგან მათ  ოჯახს ახალი წევრი პადინგტონი შეემატა. 
    8.9
    დათუნია თამაშობს თოვლში
    ასაკი: 3-5     თავგადასავლების მოყვარულ დათუნიას მეგობრებთან ერთად თოვლში სრიალი მოსწონს. მერე რა, თუ ზოგიერთმა სრიალი არ იცის… – მეგობრები ხომ იმისთვის არიან, რომ ერთმანეთს დაეხმარონ.  
    10.9
    დაუპატიჟებელი სტუმრები სატკბილეთში
    ავტორი: ირმა მალაციძე სერია: მოსწავლის ბიბლიოთეკა ასაკი: 6+ გახსოვთ ამქვეყნად ყველაზე ტკბილი ქვეყანა სატკბილეთი? იქ ისევ ფორთოხლის მზე და ბანანის მთვარე ანათებს, ქუჩებში ირისია დაგებული, შოკოლადის ჯებირებს შორის კი ლიმონათის მდინარე მოედინება. ოღონდ ქვეყანას უკვე მეფე კარამელიუსის ღირსეული მემკვიდრე დედოფალი რაფაელა მართავს, რომელიც სატკბილეთელი ბავშვებისთვის გასართობ ქალაქს შოკოლენდს ააშენებს. შოკოლენდი ისეთი დიდებული და კაშკაშაა, მას პლანეტა კექსიდანაც კი შეამჩნევენ. ეს საოცარი ამბები ირმა მალაციძის ახალ წიგნშია მოთხრობილი. აქ კეთილ სატკბილეთელებსაც შეხვდებით და დედოფალ ხურმინას, შინდის-ხანს, ბატონ არვიცენას და პლანეტა კექსის სხვა ბინადრებსაც გაიცნობთ.
    8.9
    დაუპატიჟებელი სტუმრები სატკბილეთში
    ავტორი: ირმა მალაციძე სერია: მოსწავლის ბიბლიოთეკა სატკბილეთი ზღაპრული ქვეყანაა, სადაც ყველაფერი ტკბილი და გემრიელია. აქ სახლები მურაბის ქილებს ჰგავს, ციდან ტკბილი წვიმა მოდის, შოკოლადის ჯებირებს შორის კი ლიმონათის მდინარე მოედინება. დღისით ფორთოხლის მზე ანათებს, ღამით ბანანის მთვარე ამოდის. თავისუფალ დროს აქ სულ ცეკვა-თამაშში ატარებენ და ეჭვადაც არა აქვთ, რომ სამწერეთის ბოროტი და შურიანი მეფე ნესტარ მეორე სატკბილეთის დაპყრობას აპირებს. მოსწავლის ბიბლიოთეკა ხუთ ასაკობრივ კატეგორიად იყოფა. თითოეულ კატეგორიაში თავმოყრილია შესაბამისი სირთულის ტექსტები. სერიაში შესული არცერთი ნაწარმოები არ არის შემოკლებული. მოსწავლის ბიბლიოთეკა მოსწავლეებს მკითხველებად ჩამოყალიბებაში ეხმარება, მშობლებს – შვილებისათვის ასაკის შესაბამისი ლიტერატურის შერჩევაში, პედაგოგებს კი – მოსწავლეთათვის კლასგარეშე საკითხავის ეტაპობრივად მიწოდებაში.  
    8.9
    დაჩის ზღაპრები
    ავტორი: ოტია იოსელიაი ბიც მაშინ იყვნენ და არც თანამედროვე ავტორები წერენ ასეთ ზღაპრებს, მაგრამ მიუხედავად ამისა, ამ წიგნის პოპულარობას არაფერი დაჰკლებია. განთქმულ მონადირე დაჩიზე მოთხრობილი ამბები დღესაც ისევე ხიბლავს ბავშვებს როგორც მაშინ და არა მარტო საქართველოში. დაჩის შორეულ იაპონიასა და ჩინეთშიც კი იცნობენ და გაგონილი გვაქვს, ქართველი ბავშვებივით უყვართ.
    27
    დედა, მამა, რვა ბავშვი და საბარგო მანქანა (7-9) #1
    ავტორი: ანე-კატარინაე ვესტლი მთარგმნელი: ლია გოგიშვილი სერია: მოსწავლის ბიბლიოთეკა   ნორვეგიელი მწერალი ქალის, ანე-კატარინე ვესტლის მიერ შექმნილი ამბების მთელი სერია ღარიბ, მაგრამ ძალიან კეთილ და მხიარულ ოჯახზე, მსოფლიოს ყველა ქვეყნის ბავშვებისთვის საყვარელი საკითხავია, `დედა, მამა, რვა ბავშვი და საბარგო მანქანა~ კი ამ სერიის პირველი წიგნია. „…დედა, მამა და მათი რვა შვილი ვეებერთელა ქალაქის შუაგულში, აგურის შენობაში ცხოვრობდნენ. ერთი ციდა ბინა ჰქონდათ – ერთადერთი ოთახი და სამზარეულო. თავად კი ათნი იყვნენ….“ – მოგვითხრობს ვესტლი. გაინტერესებს ამ პაწაწინა ბინაში მცხოვრები დიდი ოჯახის საოცარი ამბავი, სადაც რვა ბავშვთან და დიდედასთან ერთად ცხოვრობს საბარგო მანქანა და ძაღლი, სახელად – სამოვრის მილი? მაშ, წაიკითხე მათი თავგადასავალი.  
    8.9
    დელფინი თამაშობს ზღვაში
    ასაკი: 3-5     თავგადასავლების მოყვარულ მელაკუდას ტყეში სეირნობა და მეგობრებთან მხიარული თამაში მოსწონს; მეგობარ ღორს დაბადების დღის საჩუქარი უნდა შეურჩიოს და გასაჭირში ჩავარდნილ ციყვსაც უნდა მიეშველოს – მეგობრები ხომ იმისთვის არიან, რომ ერთმანეთს დაეხმარონ.
    10.9
    დესპეროს თავგადასავალი
    ავტორი: კეიტ დიკამილო მთარგმნელი: ციცო ხოცუაშვილი სერია: მოსწავლის ბიბლიოთეკა   ეს წიგნი დესპერო ტილინგის ამბავს მოგვითხრობს. დესპერო წრუწუნაა, რომელსაც მუსიკა, ზღაპრები და მეფის ასული, სახელად ცერცვა უყვარს. აქვეა ვირთხა, სახელად როსკურო. იგი სიბნელეში ცხოვრობს, მაგრამ სინათლით სავსე სამყაროზე ოცნებობს… და კიდევ მიგერი სოუ – მოახლე გოგო, რომელსაც ერთადერთი აუხდენელი ნატვრა აქვს – უნდა, რომ მეფის ასული გახდეს. ეს პერსონაჟები სადაცაა დაადგებიან გზას, რომელიც ჯერ შემზარავ მიწისქვეშეთში ჩაიყვანს მათ, შემდეგ კი გაბრწყინებულ სასახლეში შეაბრძანებს. მერე რაღა მოხდება? ამის გარკვევა თქვენთვის მოგვინდვია, მკითხველო!
    10.9